«Hory vidavočna lišnija». Biełarusy acanili Brasłaŭ u špijonskim sieryjale «Poni»
Niadaŭna my raskazvali pra sieryjał «Poni», u jakim «Maci drakonaŭ» Emilija Kłark zahavaryła z pryjemnym biełaruskim akcentam. Uvohule ž u hetaj stužcy pryvitańniaŭ dla biełarusaŭ źmieščana šmat. Tak, padčas prahladu 8‑j sieryi žychary našaj krainy zmahli acanić piejzažy Brasłava pa viersii stvaralnikaŭ sieryjała, piša Blizko.by.
Vierdykt hledačoŭ: vielmi navat niadrenna. «Nie Brasłaŭ, ale niešta brasłavaŭtrymalnaje dakładna jość».
Naprykład, pryhledzieŭšysia, možna «ŭbačyć» u pradstaŭlenych łakacyjach Zamkavuju haru i Kaŭčeh Vyratavańnia kala kaścioła Naradžeńnia Panny Maryi.
Zrešty, jak adznačajuć hledačy, histaryčnaja častka Brasłava ŭ realnaści značna mienšaja, čym heta pradstaŭlena ŭ sieryjale. Dy i hory na zadnim płanie — vidavočna lišnija.
Vyklikaŭ niedavier u naziralnych biełarusaŭ i nieprykmietny ahient CRU afraamierykanskaha pachodžańnia, jaki sprabuje naturalna «ŭbudavacca» ŭ miascovy piejzaž. Asabliva ŭličvajučy, što dziejańnie sieryjała adbyvajecca ŭ 1970‑ia hady.
Da liku niedachopaŭ hledačy adnieśli i adsutnaść na kadrach supiermarkieta «Vitalič». Viadoma, u toj čas jaho tam i być nie mahło. Ale, pa adčuvańniach miascovych, «Vitalič» — znakavaja častka haradskoha asiarodździa, jakaja b zusim dakładna dadała kinošnamu «Brasłavu» dakładnaści.
Nasamreč «biełaruski horad» z «Poni» zdymali ŭ Vienhryi, prykładna za 20 km ad Budapiešta.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary
- Dziadziečka, a ŭ ciabie žujka jość?
- Dziadziečka, a ŭ Afrycy śnieh byvaje?
- Quit bugging me, kids. I'm undercover, and I don't speak Russian.
"Braciška, u rajpo sieńnia je?" "WTF?!?!"