U Bierlinie abiacajuć miljon jeŭra za infarmacyju ab vinavatych u błekaŭcie
Ułady Hiermanii abjavili ŭznaharodu adzin miljon jeŭra za infarmacyju, jakaja dapamoža vyjści na ślady levaekstremisckaj hrupy Vulkan, padazravanaj u padpale elektrasietak u Bierlinie, paviedamlaje DW.
Jak zajaviŭ u aŭtorak ministr unutranych spraŭ Alaksandar Dobrynt, takaja vysokaja suma pavinna matyvavać nasielnictva da supracoŭnictva. Pavodle jaho słoŭ, pamier uznaharody padkreślivaje surjoznaść situacyi.
Dobrynt abjaviŭ pra namier uładaŭ dać žorstki adkaz na pahrozu z boku levych ekstremisckich sił. Jon adznačyŭ, što siłavyja struktury buduć umacavanyja dadatkovym piersanałam dla efiektyŭnaj baraćby ź levym ekstremizmam biez škody dla vykanańnia zadač u inšych kirunkach.
Ministr abjaviŭ pra namier uładaŭ dać žorstki adkaz na pahrozu z boku levych ekstremisckich sił. Jon adznačyŭ, što siłavyja struktury buduć umacavanyja dadatkovym piersanałam dla efiektyŭnaj baraćby ź levym ekstremizmam biez škody dla vykanańnia zadač u inšych kirunkach.
Jon taksama paviedamiŭ pra płany pašyryć paŭnamoctvy śledčych orhanaŭ, u tym liku ŭ śfiery ličbavaha analizu źviestak, aŭtamatyčnaha raspaznavańnia tvaraŭ i zachoŭvańnia IP-adrasoŭ.
U suviazi z atakaj na enierhasistemu Dobrynt abviaściŭ maštabnuju infarmacyjnuju kampaniju ŭ Bierlinie i Brandenburhu, pryśviečanuju ŭznaharodzie, abjaŭlenaj Fiederalnym viedamstvam kryminalnych spraŭ (BKA). BKA uzmocnić štat dla kruhłasutačnaha pryjomu paviedamleńniaŭ ad hramadzian.
Ministr adznačyŭ, što ad nastupstvaŭ ataki paciarpieli bolš za 100 000 čałaviek. U vyniku padpału kabielnaha mosta ŭ Bierlinie biez elektryčnaści časova zastalisia kala 45 000 kvater i 2 200 kamiercyjnych abjektaŭ.
Adkaznaść za ataku ŭziała na siabie levaekstremisckaja hrupa Vulkan.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
Rośsija, Krieml.
V Bierlinie tolko filiał.