Ajcišnicu, jakaja viarnułasia ź Vilni, asudzili za «sadziejničańnie ekstremizmu»
Jana Syrevič — dyzajnierka i ilustratarka. Dziaŭčyna pracavała nad hulnioj, jakaja niekalki hadoŭ zapar traplała ŭ topy hulniaŭ dla ajfonaŭ.
Jani Syrevič 35 hadoŭ. Jana ŭ 2014 hodzie skončyła Biełaruskuju dziaržaŭnuju akademiju mastactvaŭ, a z 2010 pa 2012 hady stažyravałasia ŭ Krakavie ŭ Akademii mastactvaŭ imia Jana Matejki.
Svaju karjeru dziaŭčyna pačała ŭ raspracoŭcy hulniaŭ. Z 2014 hoda jana pracavała dyzajnierkaj u bujnoj kampanii Playtika, a ŭ 2015‑m dałučyłasia da biełaruskaj studyi Playgendary. Tam jana była 2D i UI-mastačkaj, pracavała nad viadomaj hulnioj Bowmasters, jakaja niekalki hadoŭ zapar traplała ŭ topy hulniaŭ dla ajfonaŭ.
Paźniej Jana pierajšła ŭ praduktovy dyzajn. Z 2017 jana pracavała ŭ kampanii Verv, jakaja raspracoŭvaje prahramy dla fitnesu, a z 2019 hoda zajmaje pasadu viadučaha dyzajniera praduktu ŭ litoŭskaj kampanii TapLab.
Akramia hulniaŭ, Syrevič adkazvała za dyzajn u biełaruskim startapie Bolge, jaki raspracoŭvaŭ sistemy kiravańnia miedycynskim abstalavańniem i prajšoŭ u prestyžny niamiecki aksieleratar MedTech-Bootcamp. U 2017 hodzie jana navat vystupała z dakładam pra prablemy interfiejsaŭ u miedycynie na profilnaj kanfierencyi.
U internecie Jana taksama viadomaja pad tvorčym psieŭdanimam Ian Pavetra. Pad hetym imiem jana publikavała ilustracyi i dzialiłasia dumkami pra mastactva. Rabiła jana i ilustracyi dla časopisa «Makułatura».
Na staronkach dziaŭčyny ŭ sacsietkach napisana, što jana žyvie ŭ Vilni. Padobna, jaje zatrymali paśla adnaho ź viartańniaŭ u Biełaruś.
Janiu Syrevič sudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Joj prysudzili chatniuju chimiju, ale dakładny termin pakarańnia nieviadomy.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» adnosiać taksama praktyčna lubuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj. «Ekstremisckimi» ličacca i niepadkantrolnyja ŭładam vidy dziejnaści. U pryvatnaści, ułady zadniaj dataj kryminalizavali zbor infarmacyi pra aktyŭnaść rasijskich vojskaŭ u Biełarusi padčas napadu na Ukrainu ŭ 2022 hodzie, jaki pravodziła inicyjatyva «Biełaruski Hajun». U bot Hajuna pisali tysiačy ludziej, ciapier usich ich šukajuć.
Represii roznaha rodu zakranuli ŭžo kala 150 tysiač čałaviek, jašče niekalki socień tysiač vymušanyja byli pakinuć Biełaruś.
«Naša Niva» — bastyjon biełaruščyny
PADTRYMAĆ
Kamientary