Pasoł RF u Biełarusi pra rasijan i biełarusaŭ: My i jość adziny narod
Rasijski pasoł u Biełarusi Barys Hryzłoŭ vystupiŭ z čarhovymi zajavami, jakija faktyčna admaŭlajuć biełarusam u samabytnaści. Jon prosta zajaviŭ, što nie bačyć roźnicy pamiž rasijanami i biełarusami i zaklikaŭ da dalejšaj intehracyi.
Maskva i Minsk majuć adnolkavyja pazicyi pa ŭsich pytańniach dvuchbakovych i mižnarodnych adnosin, kaža Hryzłoŭ. Praz heta, zajaviŭ jon, «pra rasijan i biełarusaŭ nielha kazać paasobna, u adryvie adzin ad adnaho».
«U hetym sensie my i jość adziny narod — adnolkava dumajem, marym, spadziajomsia, žyviom padobnyja žyćci, viadziom padobny ład žyćcia. Nie liču, što pamiž našymi narodami karektna pravodzić vodapadzieł i kazać pra adroźnieńni jak takija.
Rasija — heta šmatnacyjanalnaja kraina, heta dom, u tym liku i dla biełarusaŭ, socień inšych narodaŭ. U svaju čarhu, u Biełarusi pražyvaje davoli šmat rasijan.
Tamu jak možna kazać, što my čymści adroźnivajemsia? Tezis «Dźvie krainy — adna Ajčyna» jak maha lepš farmuje razumieńnie našaha adzinstva, zasnavanaha na ahulnych histaryčnych karaniach, pamiaci, relihii i praciahłym sumiesnym pražyvańni ŭ ahulnych miežach», — kaža Hryzłoŭ.
Pavodle jaho słoŭ toje, što Biełaruś nie stała Ukrainaj, nie aznačaje, što ź Biełarusi nie sprabujuć Ukrainu zrabić.
«U hibrydnaj ahresii, raźviazanaj zachodnimi elitami suprać Rasii, hałoŭnym pryncypam i madellu pavodzin zastajecca staražytnaje «padzialaj i ŭładar». Heta niebiaśpiečnaja hulnia, nakiravanaja taksama suprać sajuza Rasii i Biełarusi, zaklikanaja sfarmavać u brackaha biełaruskaha naroda falšyvy vobraz varožaha mocnaha susieda, jaki maryć (nie zusim zrazumieła — navošta) padparadkavać i zachapić», — havoryć pasoł.
Vorahi chočuć razburyć sajuz Rasii i Biełarusi, kaža Hryzłoŭ. «U hetym kantekście vielmi važna nie dazvolić našym niadobrazyčliŭcam «zamylić» i skazić sapraŭdnyja, detalova vykładzienyja ŭ navukovych pracach fakty našaj ahulnaj historyi, jakija nahladna i dakładna pakazvajuć, što sajuz Rasii i Biełarusi abumoŭleny zusim nie časovymi palityčnymi mierkavańniami, nie imhniennymi ekanamičnymi intaresami, a samoj sutnaściu ŭzajemaadnosin našych narodaŭ i krain», — havoryć jon.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary