Kitaj nie budzie ŭdzielničać ni ŭ jakich pieramovach ab kantroli nad jadziernymi ŭzbrajeńniami
Kitaj zajaviŭ, što nie budzie ŭdzielničać u pieramovach ab kantroli i skaračeńni jadziernych uzbrajeńniaŭ, u tym liku ŭ mahčymym šmatbakovym farmacie z udziełam ZŠA i Rasii. Pra heta paviedamiŭ pradstaŭnik KNR pry AAN u Ženievie Cziań Šeń, piša The Moscow Times.
Pa słovach kitajskaha dypłamata, jadzierny patencyjał Kitaja istotna mienšy za arsienały ZŠA i Rasii, tamu Piekin nie ličyć metazhodnym dałučacca da takich pieramoŭ na ciapierašnim etapie.
Cziań Šeń padkreśliŭ, što hałoŭnaja adkaznaść za jadziernaje razzbrajeńnie pavinna lažać na krainach z najbujniejšymi jadziernymi arsienałami. Mienavita jany, na jaho dumku, pavinny pieršymi pajści na značnaje i praviaralnaje skaračeńnie ŭzbrajeńniaŭ.
Raniej, 6 lutaha, dziaržaŭny sakratar ZŠA Marka Rubia zajaviŭ, što Vašynhton budzie i nadalej padtrymlivać i madernizavać svoj jadzierny arsienał, kab vieści pieramovy «z pazicyi siły». Jon adznačyŭ, što ZŠA nie pahodziacca na damovy, jakija mohuć pastavić pad pahrozu ich biaśpieku, ale pry hetym zastajucca zacikaŭlenymi ŭ skaračeńni jadziernych uzbrajeńniaŭ.
Rubia taksama skazaŭ, što staraja sistema kantrolu nad uzbrajeńniami, zasnavanaja na dvuchbakovych damovach pamiž ZŠA i Rasijaj, užo nie adpaviadaje sučasnym realijam. Pryčyna — istotnaje naroščvańnie jadziernaha patencyjału Kitajem. Pavodle jaho, novyja pahadnieńni pavinny ŭličvać, što ZŠA ciapier majuć adrazu dvuch jadziernych kankurentaŭ.
Akramia taho, kiraŭnik Dziarždepartamienta nahadaŭ, što Rasija jašče ŭ 2023 hodzie prypyniła ŭdzieł u Damovie ab stratehičnych nastupalnych uzbrajeńniach, spasyłajučysia na šmathadovyja parušeńni. Tamu zakančeńnie terminu dziejańnia damovy 5 lutaha, pavodle amierykanskaha boku, nie aznačaje aŭtamatyčnaha pačatku novaj honki ŭzbrajeńniaŭ.
U svaju čarhu, pastajanny pradstaŭnik Rasii pry Kanfierencyi pa razzbrajeńni ŭ Ženievie Hienadź Haciłaŭ zajaviŭ, što Maskva hatovaja da pieramoŭ pa kantroli abo skaračeńni jadziernych uzbrajeńniaŭ, ale tolki pry ŭmovie ŭdziełu ŭ ich Vialikabrytanii i Francyi.
Prezident ZŠA Donald Tramp raniej taksama vykazaŭsia za raspracoŭku novaha pahadnieńnia zamiest padaŭžeńnia SNU-III, nazvaŭšy hetu damovu kiepska padrychtavanaj, a da taho ž jana hruba parušałasia. Jon prapanavaŭ daručyć ekśpiertam stvareńnie abnoŭlenaj doŭhaterminovaj damovy.
Pavodle źviestak Axios, paśla zakančeńnia terminu dziejańnia SNU-3 ZŠA i Rasija damovilisia jašče na paŭhoda prytrymlivacca jaje ŭmoŭ i za hety čas vyznačyć dalejšy los pahadnieńnia.
ZŠA nastojvajuć, kab u novaj damovie ab kantroli nad jadziernymi ŭzbrajeńniami akramia Rasii byŭ i Kitaj
Kitaj abahnaŭ Rasiju pa kolkaści atamnych padvodnych łodak
Tramp zajaviŭ, što ŭžo spyniŭ niekalki jadziernych vojnaŭ. U tym liku pamiž Rasijaj i Ukrainaj
Rasija i ZŠA damovilisia adnavić vajskovy dyjałoh na vysokim uzroŭni
Rasija zajaviła, što bolš nie ličyć siabie źviazanaj damovaj ab abmiežavańni jadziernaha arsienała
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
A to, čto u SSSR było až 3 jadiernych konkurienta, nie było problemoj? Jeśli KItaj, to i Britanija s Francijej dołžny učastvovať