Kitaj vyjšaŭ na druhoje miesca ŭ śviecie pa kolkaści atamnych padvodnych łodak, abyšoŭšy Rasiju, piša Thinktanks.pro.

Pavodle acenak analityčnaj płatformy Marine Insight, na pačatak 2026 hoda ŭ składzie VMS Kitaja naličvajecca 32 dziejnyja atamnyja submaryny, biez uliku karabloŭ, jakija znachodziacca ŭ pracesie budaŭnictva. Lidaram u hetaj śfiery pa-raniejšamu zastajucca ZŠA, jakija ekspłuatujuć 71 atamnuju padvodnuju łodku roznych kłasaŭ.

Rezki rost kitajskaha fłotu źviazany ź pierachodam ad dyziel-elektryčnych da atamnych prajektaŭ. U stroj užo ŭviedzienyja šmatmetavyja padvodnyja łodki typu 093, zdolnyja prymianiać kryłatyja rakiety. Adnačasova Kitaj raspracoŭvaje stratehičnuju padvodnuju łodku novaha pakaleńnia typu 096, kab zabiaśpiečyć pastajannaje marskoje jadziernaje strymlivańnie.
Rasija apuściłasia na treciaje miesca z fłotam z 29 atamnych padvodnych łodak, praciahvajučy pry hetym madernizacyju dziejnych karabloŭ. U Vialikabrytanii i Francyi naličvajecca 10 i 9 atamnych submaryn adpaviedna. Zamykaje śpis uładalnikaŭ atamnych padvodnych łodak Indyja — u hetaj krainy dźvie submaryny takoha kłasa.
Kamientary