U Žoŭtym mory paciarpieła krušeńnie kitajskaja atamnaja padvodnaja łodka — miedyja
Brytanskaja raźviedka daviedałasia ab krušeńni ŭ Žoŭtym mory kitajskaj padłodki, na borcie jakoj było 55 čałaviek. Kitaj stratu submaryny admaŭlaje, piša «Mieduza» sa spasyłkaj na Daily Mail.
Pavodle infarmacyi, žurnalisty atrymali sakretnuju spravazdaču brytanskaj raźviedki. Zhodna z dakumientam, ranicaj 21 žniŭnia padvodnaja łodka prajekta 093 «Šań» urezałasia ŭ zaharodu, pastaŭlenuju kitajskim fłotam dla baraćby z padłodkami ZŠA i ich sajuźnikaŭ.
U vyniku ŭ kitajskaj padłodki złamałasia sistema padačy pavietra, što pryviało da hibieli ŭsiaho ekipaža — 55 čałaviek.
Daily Mail udakładniaje, što niezaležnych paćvierdžańniaŭ zdareńniu pakul niama.
Kitaj admaŭlaje stratu padvodnaj łodki.
U Minabarony Vialikabrytanii admovilisia kamientavać infarmacyju vydańnia. U toj ža čas The Times miarkuje, što ŭ brytanskim vajennym viedamstvie, vierahodna, praviaduć rasśledavańnie z-za ŭciečki infarmacyi.
Surazmoŭcy Daily Mail u VMS Vialikabrytanii dapuścili, što kitajski fłot sapraŭdy straciŭ padłodku ŭ Žoŭtym mory. «Całkam vierahodna, što heta adbyłosia. Ja sumniavajusia, što kitajcy źviarnulisia b pa mižnarodnuju dapamohu sa zrazumiełych pryčyn», — zajaviŭ surazmoŭca vydańnia.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki25
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu1010
Kamientary