Tajamničaja ŭdzielnica zamachu na hienierała Alaksiejeva, jakaja paśpieła źjechać z Maskvy, źmianiła proźvišča pry atrymańni hramadzianstva RF. Jaje rola mahła być hałoŭnaj u arhanizacyi zamachu.
54‑hadovaja Zinaida Antaniuk źmianiła proźvišča pry atrymańni hramadzianstva RF i stała Sierabryckaj, piša SHOT.
U śniežni 2025‑ha jana zasialiłasia ŭ toj ža dom, dzie žyvie hienierał HRU Uładzimir Alaksiejaŭ, na Vałakałamskaj šašy. Uvieś hety čas jana, imavierna, sačyła za Alaksiejevym.
U samym pačatku lutaha Zinaida pytałasia ŭ susiedziaŭ u ahulnym čacie kod ad dźviarej damafona, jaki adkryvaje dostup na terytoryju ŽK.
Pierad hetym žančyna pradała svoj dom u «ŁNR» i pierajechała ŭ Maskvu.
Adrazu paśla zamachu Zinaida źbiehła va Ukrainu.
Taksama SHOT piša, što Lubamir Korba, niepasredny vykanaŭca zamachu, naradziŭsia ŭ Ciarnopalskaj vobłaści Ukrainy ŭ 1960 hodzie. Byŭ dyrektaram polska-ŭkrainskaj kampanii «Ciarpoł», staŭ udaŭcom.
U 2021 hodzie aformiŭ sabie časovuju rehistracyju ŭ horadzie Niahań u Chanty-Mansijskaj aŭtanomnaj akruzie. Pašpart RF atrymaŭ zusim niadaŭna.
Jaho 66‑hadovy pamočnik Viktar Vasin, pavodle SHOT, u siaredzinie 80‑ch skončyŭ aficerskija kursy pa śpiecyjalnaści «inžynier śpiecsuviazi» ŭ Kiemieraŭskim vajennym vučyliščy suviazi. U nulavyja zaniaŭsia ŭ Rasii budaŭničym biznesam, ale ŭ 2008‑m FPS likvidavała jaho kampaniju.
U siaredzinie 2010‑ch prajšoŭ u RF kursy prafiesijnaj pierapadrychtoŭki pa pažarnaj biaśpiecy. Paśla hetaha znoŭ zaniaŭsia biznesam, handlem budmateryjałami. Kaniec anałahičny: u 2020‑m FPS likvidavała abiedźvie jaho kampanii — «Inviestbudprajekt» i «Budmarkiet».
SK RF zajaviŭ, što napadniki dziejničali «pa zadańni śpiecsłužbaŭ Ukrainy».
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary