Bieły dom płanuje 19 lutaha pravieści pieršuju sustreču kiraŭnikoŭ tak zvanaj Rady miru pa situacyi ŭ Hazie. Pra heta paviedamili amierykanski čynoŭnik i dypłamaty z čatyroch krain — udzielnic rady, piša Axios.
Sustreča, pavodle śviedčańnia krynic, adnačasova stanie i pieršym aficyjnym pasiadžeńniem novaj struktury, i mižnarodnaj donarskaj kanfierencyjaj, pryśviečanaj zboru srodkaŭ na adnaŭleńnie siektara Haza.
U Vašynhtonie raźličvajuć, što hety samit dapamoža prasunuć realizacyju druhoha etapu pahadnieńnia ab spynieńni ahniu. Pry hetym padrychtoŭka sustrečy pakul znachodzicca na rańniaj stadyi, i płany mohuć być źmienienyja. Aficyjnych kamientaryjaŭ ad Biełaha doma na hety kont pakul niama.
Rada miru byŭ stvorana kala miesiaca tamu, i da jaje admovilisia dałučacca ŭsie bujnyja jeŭrapiejskija krainy. Im nie padabajucca zanadta šyrokija paŭnamoctvy rady, a taksama prava Donalda Trampa adnaasobna nakładać vieta na jaje rašeńni. Ličycca, što takim čynam ZŠA sprabujuć stvaryć alternatyvu Radzie Biaśpieki AAN.
Biełaruś aficyjna dałučyłasia da Rady miru 20 studzienia. U hety dzień Alaksandr Łukašenka padpisaŭ dakumient ab ustupleńni krainy ŭ radu i abaviazacielstva vykonvać pałažeńni jaho statuta.
Usiaho na siońniašni dzień u skład Rady miru ŭvachodziać 27 dziaržaŭ. Siarod ich — Izrail, Vienhryja, Indaniezija, Saudaŭskaja Aravija, Kazachstan i inšyja krainy.
Tramp adklikaŭ zaprašeńnie Kanady ŭ Radu miru
Tramp padpisaŭ statut Rady miru
U AAN adkazali, ci ŭschvalavanyja tam źjaŭleńniem Rady miru Trampa jak kankurenta arhanizacyi
Łukašenka raskazaŭ, čamu nie budzie płacić Trampu miljard za členstva ŭ Radzie miru
Tramp źbirajecca raspaŭsiudzić pracu Rady miru na ŭsiu płanietu
Tramp zaprasiŭ u Radu pa Hazie 50 krain, u tym liku Rasiju, Ukrainu, Kitaj, Polšču i Biełaruś
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka3
Kamientary