Cichanoŭskaja raskazała, kim by chacieła pracavać, kab nie zdaryŭsia 2020 hod
Demakratyčnaja lidarka Biełarusi zavitała na prajekt «Pieratrom z Chalezinym». Što praŭda, zapis prahramy adbyŭsia nie na kuchni ŭ Mikałaja Chalezina, a ŭ restaranie ŭ Varšavie. Jany jeli miadovik.
Mikałaj Chalezin spytaŭ Śviatłanu Cichanoŭskuju, kim by jana chacieła być, kab nie zdaryŭsia 2020 hod.
Śviatłana ŭ 2020‑m nie pracavała, hladzieła dziaciej, asabliva šmat uvahi patrabavaŭ syn Karniej, jaki mieŭ prablemy sa słycham. Ale dzieci padraśli, a što dalej, spytaŭ Mikałaj Chalezin.
«Ja była b nastaŭnicaj», — adkazała Cichanoŭskaja i patłumačyła: «Ty viedaješ, ja nie dastatkova ambicyjnaja. U mianie niama nijakich zvyšidej. Siarhiej jon taki ruchavik».
«Ale z tvajoj pracazdolnaściu ty b dabiłasia pośpiechaŭ», — zapiarečyŭ Mikałaj.
«Ale ja nie maju takich ambicyj, — paŭtaryła Śviatłana Cichanoŭskaja. — Ja taki čałaviek, jakomu dobra, kali ludziam dobra, kab usim było zručna i dobra. Ja šmat układvałasia ŭ dziaciej. Viasnoj 2020 hoda, kali byŭ kavid, ja stała vykładać u adnoj anłajn-škole anhlijskuju movu, nadzvyčaj lubiła, a ja ž adkaznaja. U mianie ž byŭ pierapynak 10 hadoŭ, potym dała niejkaje debilnaje intervju, a zatym daviała ŭrok, bo była vielmi adkaznaja. I tady była ŭpeŭnienaja, kali jašče Siarhieja nie pasadzili, što ź vieraśnia pačnu pracavać, uvajdu ŭ rabočy rytm».
Śviatłana Cichanoŭskaja skončyła ŭ 2004 hodzie Mazyrski dziaržaŭny ŭniviersitet pa śpiecyjalnaści «zamiežnyja movy» (anhlijskaja, niamieckaja).
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
Pryklad uzajemnaha "abahaščennia" viedami, ad nastaūnicy - vučniam, alie i ad vučniaū nastaūnicy nieštačka pieradalosia... :))))
Tamu ja i kazaū, mova palitykaū/ mova dyplamatyi pieražyvaje renesans. :)