Dyrektyva ab raźvićci supracoŭnictva z Kitajem na 2021—2025 hady nie była realizavanaja ŭ poŭnaj miery. Pra heta Alaksandr Łukašenka zajaviŭ 27 studzienia na naradzie, pryśviečanaj uzajemadziejańniu Biełarusi z Kitaja.
Pa słovach, nieabchodna surjozna pierahledzieć inviestycyjny napramak. Łukašenka adznačyŭ, što kitajskija inviestycyi za miažu istotna rastuć, asabliva ŭ krainy inicyjatyvy «Pojas i šlach». Biełaruski ŭrad taksama paviedamlaje pra rost: za dzieviać miesiacaŭ minułaha hoda abjom kitajskich układańniaŭ pavialičyŭsia bolš čym u dva z pałovaj razy i skłaŭ 443 miljony dalaraŭ.
Adnak hetyja pakazčyki, śćviardžaje Łukašenka, značna nižejšyja za tyja, što zakładalisia ŭ dyrektyvie, — nie mienš za paŭmiljarda dalaraŭ štohod i minimum 150 miljonaŭ pramych inviestycyj u kožnuju vobłaść i Minsk.
Łukašenka źviarnuŭ uvahu, što abjomy pramych kitajskich inviestycyj u asobnych rehijonach vyhladajuć vielmi ścipła, što śviedčyć pra niedastatkovuju pracu na miescach. Pry hetym jon padkreśliŭ, što prablema nie ŭ Kitai, a ŭ arhanizacyi raboty ź biełaruskaha boku.
Taksama Łukašenka vykazaŭ upeŭnienaść, što pašyreńnie avijaznosin z takimi haradami, jak Chajnań, Šanchaj i Urumčy, dazvolić chutka adnavić turystyčnyja patoki i pavialičyć ich układ u ekanomiku.
Siarod dasiahnieńniaŭ jon adznačyŭ toje, što biełaruski ekspart u Kitaj užo pierasiahnuŭ abjomy pastavak u krainy Jeŭrasajuza i, pavodle jaho słoŭ, heta doŭhaterminovaja tendencyja. U toj ža čas abjom ekspartu kala 1,7 miljarda dołaraŭ za 2025 hod i dola krychu bolš za 4% — hetaha, maŭlaŭ, niedastatkova.
Łukašenka padkreśliŭ, što dola Biełarusi ŭ kitajskim imparcie zastajecca mizernaj, i pastaviŭ pytańnie ab efiektyŭnaści raniejšaj dyrektyvy. Jon zaklikaŭ značna pavialičyć udzieł Kitaja ŭ ahulnym biełaruskim eksparcie — u ideale da dvuchznačnych pakazčykaŭ — i zamacavać hetyja mety ŭ novaj dyrektyvie na nastupnuju piacihodku.
Dyrektyva № 9 ab raźvićci dvuchbakovych adnosin pamiž Biełaruśsiu i Kitajem była padpisanaja 3 śniežnia 2021 hoda i raźličanaja da 2025 hoda; anałahičny dakumient dziejničaŭ i ŭ papiaredni pieryjad.
Kamientary
Da i, do sich por, niet zakonadatielnoj bazy, kotoraja by zaŝiŝała prava sobstviennosti kitajciev, kitajskich inviestorov v Biełarusi, a nie sieḿji łukašienko. Eto odin iz hłavnych tormozov. On kasajetsia absolutno vsiech stran i vsiech inviestorov v Biełaruś, nie tolko inviestorov Kitaja.