Za minułyja sutki ŭ Biełarusi padčas pažaraŭ zahinuli siem čałaviek
Pra hibiel 26 studzienia siami čałaviek u roznych kutkach Biełarusi padčas pažaraŭ paviedamiła BiełTA sa spasyłkaj na MNS.
Pieršyja trahičnyja źviestki pačali pastupać jašče nočču. Kala 4:40 26 studzienia ratavalnikam paviedamili pra pažar u žyłym domie na vulicy Bychaŭskaj u Homieli. Na miescy była znojdziena zahinułaja babula haspadara doma, 1935 hoda naradžeńnia.
Prykładna a šostaj ranicy ŭzharańnie adbyłosia ŭ kvatery na piatym paviersie piacipaviarchovaha doma na vulicy Ženi Hurankovaj u Pinsku. U pažary zahinuŭ haspadar kvatery, 1953 hoda naradžeńnia.
Apoŭdni pažar sa śmiarotnym vynikam zdaryŭsia ŭ žyłym domie ŭ vioscy Strałki Vierchniadźvinskaha rajona. Tam byŭ znojdzieny zahinuły haspadar doma, 1962 hoda naradžeńnia.
Usiaho praz paŭhadziny pažarnaja statystyka papoŭniłasia jašče adnoj trahiedyjaj — u vioscy Rajoŭka Maładziečanskaha rajona. U domie znajšli zahinułaha syna haspadyni, 1960 hoda naradžeńnia.
Bližej da dziaviataj viečara paviedamili pra pažar u žyłym domie ŭ ahraharadku Hoža Hrodzienskaha rajona, dzie zahinuli muž i žonka — piensijaniery 1956 i 1957 hadoŭ naradžeńnia.
Jašče adno nadzvyčajnaje zdareńnie adbyłosia kala 21:00 u Kobrynie na vulicy Lenina. U dvary dvuchkvaternaha žyłoha doma padčas pažaru byŭ znojdzieny zahinuły mužčyna, 1964 hoda naradžeńnia.
Pa ŭsich faktach uzharańniaŭ pryčyny pažaraŭ vyśviatlajucca.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary