Rasijskim kanałam zabaranili pisać pra avaryju z udziełam Adama Kadyrava
Rasijskija resursy, blizkija da siłavych struktur, atrymali žorstkaje rasparadžeńnie ihnaravać DTZ u Hroznym, u jakim surjozna paciarpieŭ syn kiraŭnika Čačni Adam Kadyraŭ. Jak stała viadoma prajektu «Možiem objaśniť», na naviny pra zdareńnie nakładziena zabarona ŭ takich papularnych resursach, jak Mash, Shot i Baza.
Pavodle źviestak supracoŭnikaŭ hetych vydańniaŭ, zabarona pastupiła niepasredna ad kiraŭnictva. U pryvatnaści, hałoŭny redaktar Shot Robiert Klučaroŭ zabłakavaŭ lubyja zhadki pra avaryju ŭ adździele zdareńniaŭ. Anałahičnaja situacyja skłałasia ŭ Mash i Baza.
Analiz telehram-kanałaŭ paćviardžaje infarmacyjnuju błakadu: Shot, jaki zvyčajna małankava reahuje na lubyja nadzvyčajnyja situacyi, apošni raz zhadvaŭ siamju Kadyravych jašče 12 śniežnia.
Što adbyłosia ŭ Hroznym?
Pavodle infarmacyi čačenskaj apazicyi, zdareńnie z udziełam karteža Kadyrava-małodšaha adbyłosia ŭ Hroznym.
Vidavočcy apisvali stan Adama Kadyrava jak «žachlivy». Traŭmy akazalisia nastolki surjoznyja, što paśla sprobaŭ reanimacyi ŭ miascovaj balnicy jaho terminova adpravili śpiecrejsam u Maskvu, u Botkinskuju balnicu. Miarkujučy pa danych servisaŭ manitorynhu palotaŭ, uśled za bortam z paciarpiełym u rasijskuju stalicu vylecieŭ i sam Ramzan Kadyraŭ razam ź blizkimi.
Čačenskija ŭłady pasprabavali abvierhnuć čutki pra ciažki stan Adama, apublikavaŭšy videa ź jaho ŭdziełam na aficyjnym mierapryjemstvie ŭ Hroznym. Adnak žurnalisty vyśvietlili, što heta byli tak zvanyja kansiervy — archiŭnyja kadry z sustrečy, jakaja adbyłasia zadoŭha da avaryi.
Adamu Kadyravu ŭsiaho 18 hadoŭ, ale jon daŭno viadomaja asoba jak u Čačni, tak i za jaje miežami.
U vieraśni 2023 hoda Ramzan Kadyraŭ apublikavaŭ videa, na jakim tady 15‑hadovy Adam źbivaje ŭ SIZA Mikitu Žuraŭla, abvinavačanaha ŭ spravie pra spalvańnie Karana. Tady kiraŭnik Čačni zajaviŭ, što hanarycca synam.
Paśla hetaha Adamu Kadyravu stali prysvojvać roznyja ŭznaharody, a da taho ž, niahledziačy na zusim małady ŭzrost, jon zaniaŭ u Čačni niekalki vysokich pasad. Siarod inšaha jon sakratar Rady biaśpieki Čačni i kuratar respublikanskaha MUS.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary