Mocny maroz dla sapraŭdnaha rybaka — nie pieraškoda. Heta čarhovy raz dakazali biełaruskija amatary rybałki, jakija 18 studzienia vyciahnuli z Dniapra vializnaha ščupaka, piša Fishing.by.
Fota i videa z vyłaŭlenaj rybaj raźmiaścili ŭ vajbier-supołcy «Rybałka ŭ Biełarusi». Jak raskazaŭ rybak Alaksiej, jakomu i paščaściła złavić hetaha «krakadziła», ryba trapiłasia pry marozie kala minus dvaccaci hradusaŭ.
Paśla nievialikaj fotasiesii ščupaka adpuścili nazad u raku.
Sam Alaksiej nazvaŭ hety vypadak ułovam usiaho svajho žyćcia. Sa słoŭ rybakoŭ, daŭžynia ščupaka składała prykładna 137 santymietraŭ, a vaha pieravyšała 16 kiłahramaŭ. Asabliva cikava, što taki ŭražalny trafiej byŭ zdabyty napiaredadni pieryjadu «hłuchazimja», kali bolšaść rybałovaŭ łović tolki drobnaha akunia abo padleščyka.
Niahledziačy na značnyja pamiery, nazvać hetuju rybu rekordnaj dla Biełarusi nielha: raniej u vadajomach krainy traplalisia ščupaki vahoj bolš za 17 i navat 19 kiłahramaŭ.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary