Моцны мароз для сапраўднага рыбака — не перашкода. Гэта чарговы раз даказалі беларускія аматары рыбалкі, якія 18 студзеня выцягнулі з Дняпра вялізнага шчупака, піша Fishing.by.
Фота і відэа з вылаўленай рыбай размясцілі ў вайбер-суполцы «Рыбалка ў Беларусі». Як расказаў рыбак Аляксей, якому і пашчасціла злавіць гэтага «кракадзіла», рыба трапілася пры марозе каля мінус дваццаці градусаў.
Пасля невялікай фотасесіі шчупака адпусцілі назад у раку.
Сам Аляксей назваў гэты выпадак уловам усяго свайго жыцця. Са слоў рыбакоў, даўжыня шчупака складала прыкладна 137 сантыметраў, а вага перавышала 16 кілаграмаў. Асабліва цікава, што такі ўражальны трафей быў здабыты напярэдадні перыяду «глухазім’я», калі большасць рыбаловаў ловіць толькі дробнага акуня або падлешчыка.
Нягледзячы на значныя памеры, назваць гэтую рыбу рэкорднай для Беларусі нельга: раней у вадаёмах краіны трапляліся шчупакі вагой больш за 17 і нават 19 кілаграмаў.
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары