Manaški sa Śviata-Jelisaviecinskaha manastyra dabralisia da Šviecyi
I nie tolki jany.
Na minułyja Kalady manaški Śviata-Jelisaviecinskaha manastyra pradavali svaje suvieniry ŭ zamožnym pryharadzie Stakholma — Tebiu. Nastajaciel prychodu ŭ Tebiu daŭ im dazvoł pastavić stoł u kalidory carkvy.
U intervju Telegraph jon skazaŭ, što nie viedaŭ, što manastyr padtrymlivaje vajnu va Ukrainie, kali zaprašaŭ manašak adtul u minułym hodzie i niekalki razoŭ da ŭvarvańnia 2022 hoda.
Jon zhadaŭ vizit manašak u svaju carkvu ŭ minułym hodzie. «Kali jany pryjšli, my dali im dva stały, i jany stajali ŭ kalidory, pradajučy draŭlanyja vyraby, trykataž, škarpetki i hetak dalej».
Šviedskija miedyja pisali, što kalehi manašak sa Śviata-Jelisaviecinskaha manastyra, jakija prasoŭvajuć pucinskuju prapahandu, pabyvali ŭ 20 cerkvach krainy.
Telegraph zhadvaje, što ŭ horadzie Viesteros, što ŭ 100 kiłamietrach ad Stakholma, pobač z aeraportam rasiejcami pabudavanaja pravasłaŭnaja carkva Kazanskaj ikony Božaj Maci.
Aeraport Stakholm-Viesteros (VST) maje adnu z samych doŭhich uźlotna-pasadačnych pałos u krainie i aktyŭna vykarystoŭvaŭsia padčas pandemii dla chutkich tranzitaŭ. U Šviecyi jon viadomy jak aeraport «na vypadak nadzvyčajnych situacyj», što aznačaje, što na jaho buduć spadziavacca ŭ vypadku pryrodnaj katastrofy ci vajny z Rasijaj.
«Mahčyma, tamu nie dziŭna, što rasijanie zachacieli pabudavać vielizarnuju i raskošnuju carkvu ŭsiaho ŭ trochstach mietrach ad jaho, upryhožanuju vialikimi załatymi kryžami i kupałami-cybulinami», — piša vydańnie.
Šviedskija śpiecsłužby zajaŭlajuć, što carkva, imavierna, vykarystoŭvajecca jak placoŭka dla špijanažu, naprykład, dla nazirańnia za aeraportam. Rasija heta admaŭlaje.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary