Arhanizatary kažuć, što łaŭreatam stała niebiaśpiečna jeździć u ZŠA.
Pieramožcy źjazdžajucca na cyrymoniju z usiaho śvietu. Pieršyja 35 cyrymonij (1991—2025) prachodzili ŭ Masačusietsie, piša Bi-bi-si.
Šnobieleŭskaja premija ŭručajecca z 1991 hoda. Jaje zasnavaŭ žartoŭny navukovy časopis «Anały nievierahodnych daśledavańniaŭ». Jak paznačana ŭ statucie ŭznaharody, jana prysudžajecca aŭtaram 10 samych aryhinalnych i śmiešnych navukovych prac, jakija «spačatku prymušajuć zaśmiajacca, a potym — zadumacca».
«Na praciahu apošniaha hoda dla našych haściej stała niebiaśpiečna naviedvać krainu. My nie možam z čystym sumleńniem prasić novych pieramožcaŭ abo mižnarodnych žurnalistaŭ, jakija aśviatlajuć heta padzieju, pryjazdžać u ZŠA ŭ hetym hodzie», — tłumačyć redaktar časopisa Anały nievierahodnych daśledavańniaŭ Mark Abrams, zasnavalnik i viadučy cyrymonii.
Alaksandr Łukašenka dvojčy stanaviŭsia ŭładalnikam Šnobieleŭskaj premii.
Pieršy raz u 2013 hodzie za zabaronu publičnych apładysmientaŭ, jakija byli zabaronienyja minskaj milicyjaj padčas maŭklivych akcyj pratestaŭ u 2012 hodzie. Jon padzialiŭ premiju ź minskaj milicyjaj.
U 2020 hodzie łaŭreatami premii ŭ halinie miedycynskaj adukacyi stali prezidenty dzieviaci krain, u tym liku Alaksandr Łukašenka, Uładzimir Pucin i Donald Tramp. Uznaharoda prysudžałasia lidaram Biełarusi, Rasii, ZŠA, Brazilii, Vialikabrytanii, Indyi, Mieksiki, Turcyi i Turkmienistanu «za vykarystańnie pandemii COVID-19, kab navučyć śviet tamu, što palityki mohuć macniej upłyvać na žyćcio i śmierć, čym vučonyja i daktary».
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary