Арганізатары кажуць, што лаўрэатам стала небяспечна ездзіць у ЗША.
Пераможцы з’язджаюцца на цырымонію з усяго свету. Першыя 35 цырымоній (1991—2025) праходзілі ў Масачусетсе, піша Бі-бі-сі.
Шнобелеўская прэмія ўручаецца з 1991 года. Яе заснаваў жартоўны навуковы часопіс «Аналы неверагодных даследаванняў». Як пазначана ў статуце ўзнагароды, яна прысуджаецца аўтарам 10 самых арыгінальных і смешных навуковых прац, якія «спачатку прымушаюць засмяяцца, а потым — задумацца».
«На працягу апошняга года для нашых гасцей стала небяспечна наведваць краіну. Мы не можам з чыстым сумленнем прасіць новых пераможцаў або міжнародных журналістаў, якія асвятляюць гэта падзею, прыязджаць у ЗША ў гэтым годзе», — тлумачыць рэдактар часопіса Аналы неверагодных даследаванняў Марк Абрамс, заснавальнік і вядучы цырымоніі.
Аляксандр Лукашэнка двойчы станавіўся ўладальнікам Шнобелеўскай прэміі.
Першы раз у 2013 годзе за забарону публічных апладысментаў, якія былі забароненыя мінскай міліцыяй падчас маўклівых акцый пратэстаў у 2012 годзе. Ён падзяліў прэмію з мінскай міліцыяй.
У 2020 годзе лаўрэатамі прэміі ў галіне медыцынскай адукацыі сталі прэзідэнты дзевяці краін, у тым ліку Аляксандр Лукашэнка, Уладзімір Пуцін і Дональд Трамп. Узнагарода прысуджалася лідарам Беларусі, Расіі, ЗША, Бразіліі, Вялікабрытаніі, Індыі, Мексікі, Турцыі і Туркменістану «за выкарыстанне пандэміі COVID-19, каб навучыць свет таму, што палітыкі могуць мацней уплываць на жыццё і смерць, чым вучоныя і дактары».
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце1
Каментары