Baranavicki fielčar chutkaj dapamohi asudžany za palityku. Jon byŭ adnym z najlepšych miedykaŭ horada
A taksama stvaryŭ karysnuju prahramu dla kaleh.
U Baranavičach fielčara chutkaj dapamohi, jakoha nie raz pryznavali najlepšym miedykam horada, abviaścili «ekstremistam», piša BGmedia.
MUS Biełarusi 6 sakavika abnaviła «pieralik hramadzian Biełarusi, zamiežnych hramadzian abo asob biez hramadzianstva, datyčnych da ekstremisckaj dziejnaści». U «śpis ekstremistaŭ» dadali 20 čałaviek, ciapier u im 6 373 proźviščy. «Ekstremistam» pryznali ŭ tym liku fielčara chutkaj dapamohi ŭ Baranavičach Michaiła Čatyrboka.
Michaiłu Čatyrboku 39 hadoŭ. Dzie jon pracuje zaraz, nieviadoma, ale raniej jon byŭ fielčaram chutkaj dapamohi ŭ Baranavičach. Jaho nie raz pryznavali najlepšym miedykam horada, uznaharodžvali hanarovymi hramatami.
U vieraśni 2023 hoda Michaił Čatyrbok razam sa svajoj bryhadaj udzielničaŭ u III adkrytych respublikanskich spabornictvach bryhad chutkaj miedycynskaj dapamohi, «na jakich miedyki pakazvali svaje tearetyčnyja i praktyčnyja viedy i navyki».
U toj ža miesiac dziaržinfarmahienctva BiełTA pahutaryła ź fielčarami bryhad chutkaj dapamohi i apublikavała tekst. Tak dziaržžurnalisty napisali pra Michaiła Čatyrboka:
«Andrej Fiodaraŭ, Michaił Čatyrbok i ich kiraŭnik lekar chutkaj dapamohi Alaksandr Horbač — reanimacyjnaja bryhada z Baranavičaŭ. Hetyja mužčyny pa-sapraŭdnamu viedajuć, što takoje praca ŭ kamandzie».
Michaił Čatyrbok viadomy i tym, što stvaraŭ biaspłatnyja prahramy (prykładańni) dla kaleh, jakija pracujuć pa profili nieadkładnaj mieddapamohi, piša telehram-kanał «Vitiebsk, ja hulaju!».
Mužčynu dadali ŭ «śpis ekstremistaŭ» 6 sakavika. Tam paznačana, što jaho sudzili ŭ Bresckim abłasnym sudzie pa abiedźviuch častkach artykuła 361—4 KK RB (spryjańnie ekstremisckaj dziejnaści). Hety artykuł u apošni hod prymianiajuć dla sudoŭ pa «spravie Hajuna».
U dakumiencie paznačana, što ŭ Michaiła Čatyrboka «sudzimaść nie pahašana». Chutčej za ŭsio, jamu prysudzili «chatniuju chimiju» (abmiežavańnie voli biez nakiravańnia ŭ papraŭčuju ŭstanovu adkrytaha typu).
-
Situacyja ź vizami dla svajakoŭ biełarusaŭ, jakija žyvuć u Čechii, chutka moža palepšycca
-
Kiroŭca biełaruskaha aŭtobusa dapamahaŭ pasažyru pieravieźci praź miažu šmat hrošaj
-
«Stary čałaviek padobny da staroj mašyny». Arcybiskup Tadevuš Kandrusievič raskazaŭ, jak pačuvajecca paśla pieraniesienaj chvaroby
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami10
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary