Byłyja palitźniavolenyja abjadnalisia dziela ŭzajemnaj padtrymki ŭ arhanizacyju «Pobač»
Abjadnańnie palitźniavolenych žančyn «Pobač» stvaryli biełaruski, jakija prajšli praz palityčnyja represii. Meta — padtrymka adna adnoj, abarona pravoŭ i hodnaści biełarusak, što sutyknulisia ź pieraśledam.
Byłaja palitźniavolenaja Volha Fiłatčynkava — adna z udzielnic inicyjatyvy, raskazała «Biełsatu», kolki ludziej naličvaje abjadnańnie i jak možna stać častkaj supolnaści.
«U nas sabrałasia ŭžo 30 čałaviek»
Abjadnańnie budzie prastoraj uzajemnaj padtrymki dla byłych žančyn-palitźniavolenych, ich blizkich i ŭsich, kamu nie abyjakavaja prablema palityčna matyvavanych represij. U miežach svajoj dziejnaści inicyjatyva płanuje raźvivać prahramy psichałahičnaj i sacyjalnaj dapamohi, pravodzić infarmacyjnyja kampanii i stvarać sietku salidarnaści.
Nazva «Pobač», jak padkreślivajuć udzielnicy, simvalizuje hałoŭnuju kaštoŭnaść abjadnańnia — być pobač adna z adnoj u samych składanych abstavinach i nie pakidać nikoha sam-nasam z vyprabavańniami.
Volha Fiłatčankava raskazvaje, što byłyja palitźniavolenyja pačali abjadnoŭvacca jašče ŭ 2023 hodzie. Supolnaść doŭhi čas isnavała ŭ nieaficyjnym farmacie: žančyny, jakija vyzvalalisia z kałonij i vyjazdžali ź Biełarusi, pastupova znachodzili adna adnu ŭ internecie i padtrymlivali tych, chto tolki pačynaŭ žyćcio paśla źniavoleńnia.
«U nas sabrałasia ŭžo 30 čałaviek, — kaža jana. — My ŭžo krychu adyšli ad usiaho hetaha dośviedu, pryjšli ŭ bolš-mienš narmalny psichałahičny stan paśla kałonij. I ciapier adčuvajem, što možam rabić niešta bolš, kab viedali, što my isnujem».
Pa słovach Volhi, taki farmat dazvalaje im adčuvać siabie ŭ biaśpiečnaj prastory i paźbiahać dadatkovaj traŭmatyzacyi.
«Zaŭvažyli, što nam nie treba adna adnoj ničoha tłumačyć pra kałoniju. My razmaŭlajem na adnoj movie — usie praz heta prajšli. Kali davodzicca kamuści raspaviadać usie drobiazi, heta časta vyklikaje retraŭmatyzacyju. A pamiž saboj my prosta razumiejem adna adnu. U nas niama praviłaŭ, što možna abmiarkoŭvać, a što nielha. Kali niešta balić, to heta moža być i palityka, i lubaja inšaja tema. Hałoŭnaje — stavicca adna da adnoj z pavahaj i nie źnievažać adna adnu», — kaža Volha.
Jak dałučycca da supołki
Pakul što pracedura dałučeńnia da inicyjatyvy znachodzicca ŭ stadyi raspracoŭki. Udzielnicy tłumačać, što vialikuju ŭvahu nadajuć biaśpiecy.
Ciapier dziejničaje pryncyp rekamiendacyj: kandydaturu novaha čałavieka prapanuje chtości z tych, chto ŭžo znachodzicca ŭ supolnaści, paśla čaho astatnija hałasujuć. U hałasavańni pavinny pryniać udzieł nie mienš za 2/3 ad usich čaliń Abjadnańnia. Taksama za čałavieka pavinna paručycca jak minimum jašče adna ŭdzielnica.
Dałučeńnie da supolnaści zastajecca całkam dobraachvotnym.
«Tut pavinny supaści dva faktary: žadańnie čałavieka i hatovaść kalektyvu jaho pryniać. Heta pierš za ŭsio naša biaśpiečnaja prastora», — adznačaje jana.«Tut pavinny supaści dva faktary: žadańnie čałavieka i hatovaść kalektyvu jaho pryniać. Heta pierš za ŭsio naša biaśpiečnaja prastora», — adznačaje jana.
Asnoŭnyja kirunki dziejnaści abjadnańnia
Asobny akcent płanujecca zrabić na psichałahičnaj padtrymcy. U budučyni ŭdzielnicy chočuć arhanizavać stałuju prahramu psichałahičnaj dapamohi i pravodzić retryty dla žančyn, jakija pieražyli źniavoleńnie. Płanujuć zajmacca infarmacyjnaj i pravaabarončaj dziejnaściu, raźvivać sietku salidarnaści. Taksama abmiarkoŭvajucca kulturnyja i adukacyjnyja inicyjatyvy — naprykład, knižny anłajn-kłub.
Pakul inicyjatyva nie zarehistravanaja jak jurydyčnaja asoba, ale ŭdzielnicy płanujuć prajści praceduru rehistracyi ŭ budučyni.
«Statut my ŭžo padrychtavali. Pakul usio robicca pastupova, tamu što heta adbyvajecca pa-za pracaj i vučobaj. Ale my płanujem rehistracyju — kali mienavita, pakaža čas», — kaža Volha.
Usia dziejnaść prachodzić na dobraachvotnych pačatkach, finansavańnia ŭ abjadnańnia niama.
«Ale my budziem šukać jaho, kab raźvivać našy prajekty, asabliva psichałahičnuju padtrymku i retryty dla žančyn», — kaža Volha.
U pierśpiektyvie ŭdzielnicy razhladajuć mahčymaść supracy ź inšymi inicyjatyvami. U pryvatnaści, abmiarkoŭvajecca ideja stvareńnia žanočaha šełtara ŭ Varšavie ŭ partniorstvie z fondam «Prytulaj mianie».
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary