Biełaruskamu bajcu MMA, jaki budavaŭ karjeru ŭ Maskvie, FSB niečakana zabaraniła ŭjezd u Rasiju paśla adpačynku ŭ Tajłandzie
Vital Paŭłoŭski nie razumieje, jak tak vyjšła, što jamu biesterminova zabaranili ŭjazdžać u Rasiju. I prosić parady, jak viarnucca ŭ Maskvu — bo tam užo ŭsio jaho žyćcio.
Piać hadoŭ tamu Vital Paŭłoŭski — bajec z Połacka — pajechaŭ skarać Maskvu. U adnym ź intervju raspaviadaŭ, što tady apošnija hrošy patraciŭ, kab paŭdzielničać u bajach lihi «Naša sprava» — navat na arendu žylla ŭ rasijskaj stalicy ŭžo nie chapała.
Spačatku chłopiec vystupaŭ u MMA, ale papularnym staŭ u pop-MMA (zabaŭlalnaja viersija bajavych adzinaborstvaŭ). Ciapier jon upeŭniena kaža, što šmat čaho dasiahnuŭ.
Ale niešta pajšło nie tak. Niadaŭna Vital raspavioŭ u sacyjalnych sietkach, što nie zmoh viernucca ŭ Maskvu paśla adpačynku.
Letaś bajec na paŭhoda palacieŭ zimavać u Tajłand. Siurpryzy pačalisia ŭ maskoŭskim aeraporcie pa viartańni:
— Ja vielmi doŭha prachodziŭ pašpartny kantrol. Mnie skazali, patrebna dadatkovaja pravierka. I prykładna praz hadzinu čakańnia mnie vynosiać papierku z pastanovaj ad FSB, što mnie zabaronieny ŭjezd u Rasijskuju Fiederacyju biesterminova. Biez tłumačeńnia pryčyny. Ja nie viedaju, što ja zrabiŭ. Ničoha nie skazali, nie rastłumačyli.
Vital śćviardžaje, što paśla hetaha jaho jašče kala sutak trymali ŭ aeraporcie. A potym prapanavali dva varyjanty: abo viarnucca ŭ Tajłand, abo lacieć na radzimu. Bajec vybraŭ druhoje i sam nabyŭ kvitok.
— Ja skazaŭ, što palaču ŭ Minsk. Mianie nikudy nie puskali, usiudy supravadžali. Zabrali pašpart. Zadavali šmat pytańniaŭ. Pa prylocie ŭ Minsk mianie sustreli pamiežniki z aŭtamatami. Pašpart mnie nie addavali.
Ale paśla nievialikaj pravierki Vitala ŭsio ž adpuścili.
— Ja nie viedaju, što ja zrabiŭ takoha ŭ Rasii, što mnie zabaranili ŭjezd biesterminova. Ja padaŭ aficyjnuju zajavu, ale adkazu niama ŭžo bolš za miesiac.
Ciapier jon źviartajecca pa dapamohu i prosić parad.
— Ja pacan ź Biełarusi, jaki prylacieŭ u Maskvu i šmat čaho dasiahnuŭ. U mianie pabudavana tam usio žyćcio…
Vital pryznajecca ŭ lubovi da Maskvy i kaža, što vielmi choča tudy viarnucca, bo mienavita tam bačyć svaju budučyniu. Dadaje, što paśla publikacyi historyi ŭ sacsietkach jamu napisała šmat ludziej, jakija trapili ŭ anałahičnuju situacyju.
Biełarus z zabaronaj na ŭjezd źmianiŭ proźvišča i dva hady jeździŭ u Polšču
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans
Palityčnamu rasijskamu błohieru, jaki chvalić Łukašenku, zabaranili ŭjezd u Biełaruś
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary
Vo dzie doŭ…. Skažy dziakuj što nie atrymaŭ pašpart rf, tak by ŭžo pajšoŭ šturmavać pasadku jak harmatnaje miasa.