Ministerstva antymanapolnaha rehulavańnia i handlu (MARH) pravieryła kramy sietki «Śviatłafor» paśla taho, jak sa skarhami źviarnulisia nieabyjakavyja biełarusy. U vyniku praviaralniki vyjavili parušeńni va ŭsich handlovych abjektach, jakija trapili pad manitorynh, piša Smartpress.by.
Pavodle źviestak viedamstva, čaściej za ŭsio ŭ kramach adsutničali abaviazkovyja tavary, nie było ceńnikaŭ, a pakupnikam nie paviedamlali nieabchodnuju infarmacyju pra pradukcyju. Heta datyčyłasia ŭ tym liku tavaraŭ, jakija fasavalisia niepasredna ŭ kramie.
Akramia taho, praviaralniki vyjavili pradukty sa skončanym terminam prydatnaści. Naprykład, u Ivanavie Bresckaj vobłaści z prodažu źniali adrazu try vidy miasnoj pradukcyi ahulnaj vahoj 94,5 kiłahrama. Ich košt pieravyšaŭ 760 rubloŭ.
Pavodle dadzienych Handlovaha rejestra, na siońniašni dzień u Biełarusi pracuje kala 190 kram hetaj sietki.
U Homieli biez paznačanaha terminu prydatnaści i nieabchodnaj infarmacyi pradavalisia kandytarskija vyraby prykładna na 290 rubloŭ i farš «Firmovy» koštam 19 rubloŭ. U adnoj ź minskich kram anałahičnyja parušeńni vyjavili pry prodažy syroŭ na sumu kala 320 rubloŭ.
MARH zapatrabavaŭ likvidavać vyjaŭlenyja parušeńni i zabaraniŭ realizacyju častki pradukcyi. Jurydyčnuju asobu paabiacali pryciahnuć da administracyjnaj adkaznaści.
Kamientary