Siezon u KCHŁ užo zaviaršyŭsia, i chakieisty pajšli na zasłužany adpačynak, baviačy čas pa-roznamu.
Hałkipier minskaha «Dynama» Vasil Dziemčanka, naprykład, pajechaŭ na rybałku i zdabyŭ salidny trafiej.
Dziemčanka ŭ svaim instahramie apublikavaŭ fota, na jakim paziruje ź vialikaj rybaj u rukach. Zdymki, miarkujučy pa ŭsim, zrobleny na adnym z azior niepadalok ad Čalabinska — rodnaha horada chakieista. Ryba važyć bolš za 8 kiłahramaŭ.
Błohier, viadučy rybackich prahram i ekśpiert Ivan Mazoŭka raskazaŭ Onliner, što heta karp, i acaniŭ ułoŭ Vasila jak vielmi ŭražvajučy. Pavodle jaho słoŭ, ryba, chutčej za ŭsio, była złoŭlena ŭ adnym z płatnych vadajomaŭ.
U amatarskaj rybałcy na zvyčajnych vadajomach časta traplajucca karpy vahoj 1—3 kh, a asobniki zvyš 5 kh užo ličacca surjoznaj zdabyčaj. Dva hady tamu na Minskaje mora byŭ złoŭleny bujny karp vahoj 10 kh.
Padpisčyki Vasila stanoŭča acanili trafiej:
- «Ja tak razumieju, ryba łovicca nie horš za šajby?»
- «Vasia — sapraŭdny rybak!»
- «Vasia, małajčyna, vydatny ŭłoŭ!»
Kamientary