«Haryzont» vypuściŭ aranžavy noŭtbuk jak simvał biełaruskaj žančyny
Chołdynh «Haryzont» pačaŭ masavuju vytvorčaść novaj madeli biełaruskich noŭtbukaŭ, paviedamili ŭ efiry STB. Vypusk navinki prymierkavali da 8 sakavika.
Novy noŭtbuk, jak paviedamlajecca, vyłučajecca vielmi tonkim korpusam i nievialikaj vahoj — mienš za adzin kiłahram. Jon taksama kidajecca ŭ vočy niezvyčajnym koleram korpusa, jaki nazvali «kaśmičny aranžavy».
Raspracoŭščyki kažuć, što na stvareńnie hetaj madeli ich natchniŭ abvieščany ŭ Biełarusi Hod biełaruskaj žančyny. Tamu noŭtbuk zadumvali jak simvał sučasnaj žančyny — jarkaj, aktyŭnaj, technałahičnaj i metanakiravanaj.
Na pradpryjemstvie adznačajuć, što vypusk noŭtbukaŭ u chołdynhu pačaŭsia jašče ŭ 2022 hodzie. Z taho času asartymient značna pašyryŭsia, i ciapier u liniejcy ŭžo bolš za 30 roznych madelaŭ. Elektronnyja kampanienty vyrablajuć na 11 vytvorčych učastkach, a kožnaja pryłada prachodzić niekalki etapaŭ pravierki jakaści.
Pradstaŭniki pradpryjemstva taksama paviedamili, što na zavodzie ŭžo pačali samastojna vypuskać niekatoryja važnyja kampanienty, naprykład maciarynskuju płatu i SSD-nazapašvalniki. Akramia standartnych pravierak, noŭtbuki prachodziać i nahruzačnyja testy: pa niekalki hadzin pracujuć u intensiŭnym režymie, kab pravieryć nadziejnaść.
U «Haryzoncie» śćviardžajuć, što ich kampjutarnaja technika karystajecca popytam nie tolki ŭ Biełarusi, ale i za miažoj. Pavodle pradstaŭnikoŭ chołdynhu, za pieršyja dva miesiacy hoda ekspart kampjutarnaj pradukcyi vyras bolš čym na 85%.
U 2022 hodzie «Haryzont» pradstaviŭ svoj pieršy noŭtbuk pad nazvaj H-book MAK4, jaki byŭ pazicyjanavany jak «ajčynnaja raspracoŭka». Padčas prezientacyi 1 vieraśnia 2022 hoda Alaksandr Łukašenka prademanstravaŭ jaho, adznačyŭšy, što na toj momant u im było kala 12% biełaruskich kampanientaŭ, z płanami pavialičyć hetuju dolu da 30% da kanca hoda. Adnak ekśpierty, apytanyja «Našaj Nivaj», vykazali sumnievy adnosna hetych ličbaŭ, miarkujučy, što biełaruskaja častka moža abmiažoŭvacca tolki takimi elemientami, jak humovyja nožki abo nalepka z łahatypam «N».
Minski majstar parekamiendavaŭ bierahčy haryzontaŭskija noŭtbuki. Bo noŭt u kitajcaŭ «skrali», a zapčastki da jaho nie zavieźli
«Haryzont» budzie vypuskać biełaruskija płanšety
Prezidentu Zimbabve padaryli noŭtbuk «Haryzont»
Jakija vodhuki pakidajuć karystalniki noŭtbukaŭ ad «Haryzonta»
Kiraŭnik «Haryzonta» kaža, što biełaruski noŭtbuk užo pradajecca ŭ 18 krainach śvietu. Ale adšukać jaho atrymałasia tolki ŭ Rasii
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary