Jakija vodhuki pakidajuć karystalniki noŭtbukaŭ ad «Haryzonta»
Hod tamu startavali prodažy noŭtbukaŭ biełaruskaj vytvorčaści ad Horizont. Pahladzieli vodhuki karystalnikaŭ, jakija navažylisia nabyć navinku ad ajčynnaha vytvorcy.
Čatyrochzorkavy noŭtbuk
U katałozie «Anłajniera» biełaruskija noŭtbuki majuć čatyry zorki rejtynhu — praŭda, adznaka bazujecca na asnovie šaści vodhukaŭ.
Čatyry karystalniki pastavili biełaruskamu noŭtbuku najvyšejšuju adznaku, adzin acaniŭ Horizont H-book na troječku, jašče adzin karystalnik daŭ adnu zorku.
Pakupnik, jaki pastaviŭ hadžetu samuju nizkuju adznaku, śćviardžaje, što novy noŭtbuk adpracavaŭ usiaho adnu hadzinu ŭ dzień kupli, a na nastupny dzień pierastaŭ reahavać na knopku ŭklučeńnia.
Pakolki noŭtbuk pierastaŭ pracavać, sa stanoŭčych momantaŭ ułaśnik adznačyŭ tolki dyzajn.
U inšaha karystalnika, jaki acaniŭ noŭtbuk tryma zoračkami, asnoŭnyja pretenzii byli da jakaści ekrana i da prablem z pošukam i ŭstaloŭkaj drajvieraŭ u vypadku źmieny apieracyjnaj sistemy.
Da pieravah jon adnios dyzajn noŭtbuka (za vyklučeńniem kłavijatury) i vysokuju jakaść zborki.
Astatnija čatyry vodhuki pazityŭnyja. Kožny z karystalnikaŭ adznačaje vysokuju jakaść pradukta i ŭpakoŭki.
«Vydatny noŭt. Vielmi ździviła ŭpakoŭka, vielmi pryhožaja, z aksamitam. Adčuvańnie, što ŭ ruki ŭziaŭ jakasnuju reč. Da źniešniaha vyhladu, načyńnia pretenzij niama, usio pracuje, jak treba. Małajcy Horizont, vydatny pradukt atrymaŭsia. Adnaznačna raju», — piša karystalnik «Anłajniera».
«A što ŭ im biełaruskaha? Litara N?»
Na «Jandeks Markiet» u Horizont usiaho adzin vodhuk. Karystalnik adznačaje, što bolš, čym za miesiac karystańnia niedachopaŭ nie vyjaviŭ. Sam noŭtbuk jon nazyvaje cichim, šustrym, lohkim i na pieršy pohlad navat nie drennym.
Nie husta z vodhukami i na Ozon (možna mierkavać, što i pakupnikoŭ na hety noŭtbuk nie šmat). «Łaptop jak łaptop… Pahladzim jak pracavać budzie», — hučyć adziny vodhuk na Horizont H-book MAK4.
Krychu bolšaja aktyŭnaść u raździele z pytańniami. Bolšaść karystalnikaŭ cikavić, što ŭ noŭcie biełaruskaha. Čamu jon kaštuje na 10% daražej za kitajski Itel Spirit 2, kopijaj jakoha, mierkavana, źjaŭlajecca? Jakimi mienavita kamplektujučymi adroźnivajecca dadzieny noŭtbuk ad Itel Spirit 2? Pradstaŭnik kampanii ŭ kamientarach na hetyja pytańni adkazać nie zmoh.
Jašče adzin vodhuk na Horizont H-Book 14 možna adšukać na sajcie otzovik.com. Zhodna z napisanym, čałaviek karystaŭsia kampjutaram na praciahu šaści miesiacaŭ. Vializny vodhuk naličvaje bolš za 13 tysiač znakaŭ, dzie nie tolki apisvajecca ŭražańnie ad H-Book, ale i paraŭnoŭvajecca madel z noŭtami Samsung i Lenovo.
«Pa sukupnaści pieravah i niedachopaŭ acaniu noŭtbuk na 5 zorak. Budu rekamiendavać», — padsumoŭvaje aŭtarka.
U prodaž noŭtbuki ad «Haryzonta» pastupili ŭ śniežni 2022 hoda. U zaležnaści ad madeli cana na ich ad 1390 da 2270 rubloŭ. Na prezientacyi techniki kazałasia, što biełaruskaha ŭ joj kala 12%.
Čytajcie taksama:
Na zavodzie «BiełDžy» Łukašenku pakazali načynku Geely. Kolki biełaruskaha ŭ aŭto?
-
Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak
-
Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij
-
Praz Soniečnuju sistemu lacić abjekt, pavodziny jakoha nahadvajuć kiravany kaśmičny karabiel
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary