Pres-sakratar MZS Biełarusi Rusłan Varankoŭ paviedamiŭ, što ŭ zvarocie prezidenta ZŠA da Alaksandra Łukašenki prapanujecca, kab Biełaruś stała zasnavalnikam Rady miru — arhanizacyi, jakuju stvaraje Tramp, dla ŭrehulavańnia situacyi ŭ Hazie.
«U zvarocie Biełarusi ŭ kantekście ŭrehulavańnia situacyi ŭ Hazie prapanujecca stać zasnavalnikam Rady miru — novaj mižnarodnaj arhanizacyi, — paviedamlaje pres-słužba MZS. —
My vysoka cenim, što amierykanski bok bačyć Biełaruś, i heta naŭprost paznačana ŭ tekście zvarotu, jak dziaržavu, hatovuju ŭziać na siabie vysakarodnuju adkaznaść za pabudovu tryvałaha miru, i vieści za saboj siłaj prykładu, inviestavać u biaśpiečnuju i kvitniejučuju budučyniu dla budučych pakaleńniaŭ.
My taksama razhladajem hetuju prapanovu jak pryznańnie asabistych zasłuh i mižnarodnaha aŭtarytetu kiraŭnika biełaruskaj dziaržavy».
Łukašenka «ŭspryniaŭ prapanovu stanoŭča», paviedamlaje MZS Biełarusi.
«Naša pazicyja takaja: my hatovy pryniać udzieł u dziejnaści Rady miru, uličvajučy i spadziejučysia, što hetaja arhanizacyja pašyryć svaje ramki i paŭnamoctvy daloka za miežy prapanavanaha ŭ inicyjatyvie mandata. Heta dazvolić joj aktyŭna ŭdzielničać u hłabalnych pracesach pa ŭrehulavańni lubych mižnarodnych kanfliktaŭ, što, u rešcie rešt, paspryjaje pabudovie novaj architektury biaśpieki, jakaja aktyŭna prasoŭvajecca Biełaruśsiu ŭ apošnija hady», — dadaje MZS.
Raniej takoje zaprašeńnie atrymaŭ kiraŭnik Rasii Uładzimir Pucin.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary