Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
Lidarka biełaruskaj apazicyi Śviatłana Cichanoŭskaja na hetym tydni paviedamiła litoŭskim parłamientaryjam pra rašeńnie pierajechać u Varšavu. Jana prainfarmavała palitykaŭ padčas sustrečy z časovaj hrupaj Siejma «Za demakratyčnuju Biełaruś», piša BNS.
Hetuju infarmacyju ahienctvu BNS u subotu paćvierdzili dva litoŭskija parłamientaryi z roznych frakcyj, jakija ŭdzielničali ŭ sustrečy i pažadali zastacca ananimnymi.
Pra rašeńnie Cichanoŭskaj u subotu paviedamiła i infarmacyjnaje ahienctva AFP, cytujučy čatyroch členaŭ kamandy lidarki biełaruskaj apazicyi i krynicu ŭ Ministerstvie zamiežnych spraŭ Polščy, jakija taksama havaryli na ŭmovach ananimnaści.
Adzin z deputataŭ litoŭskaha Siejma paviedamiŭ BNS, što ŭ Vilniusie, vierahodna, zastanucca pracavać niekalki členaŭ kamandy Cichanoŭskaj.
Daradca Cichanoŭskaj Dzianis Kučynski paviedamiŭ žurnalistam, što Siarhiej Cichanoŭski, vyzvaleny z turmy ŭ minułym hodzie, ciapier znachodzicca ŭ ZŠA ź mierkavańniaŭ biaśpieki.
Letaś u kastryčniku litoŭskija ŭłady abjavili ab pryniaćci rašeńnia źnizić uzrovień achovy Cichanoŭskaj. Paśla hetaha źjavilisia sumnievy, ci zastajecca jana žadanaj asobaj u krainie. Taksama zajaŭlałasia pra ŭzmacnieńnie pahrozy z boku biełaruskich śpiecsłužbaŭ.
Pra toje, što rašeńnie ab pierajeździe Ofisa Cichanoŭskaj u Polšču ŭžo pryniata, krynicy «Našaj Nivy» paviedamlali jašče miesiac tamu, choć aficyjna heta admaŭlałasia.
Kamientary
Našto Cichanoŭskaja ŭ Polščy? Kab Kanfiederacyja zrabiła takoje ž staŭleńnie da biełarusaŭ, jak jość ciapier da ŭkraincaŭ?