Rabočamu Ford, jakomu Tramp pakazaŭ siaredni palec, zadanacili amal miljon dalaraŭ
Supracoŭnik kampanii Ford 40‑hadovy Ci Džej Sabuła, jakoha adchilili ad pracy paśla kanfliktu z prezidentam Donaldam Trampam, atrymaŭ mahutnuju padtrymku praz kraŭdfandynh. Za dzień dźvie kampanii na płatformie GoFundMe sabrali ahułam bolš za 800 tysiač dalaraŭ.
Incydent adbyŭsia padčas vizitu Trampa na zavod Ford u Mičyhanie, dzie vyrablajuć pikapy. Na videa, jakoje trapiła ŭ sieciva, čuvać, jak niechta vykryknuŭ u bok Trampa: «Abaronca piedafiłaŭ», što vyhladaje namiokam na zatrymku z publikacyjaj poŭnych archivaŭ ab spravie Džefry Epštejna.
U adkaz Tramp pakazaŭ siaredni palec i vyłajaŭsia.
Bieły dom paźniej zajaviŭ, što prezident «adpaviedna adreahavaŭ na varjata, jaki kryčaŭ praklony ŭ prystupie lutaści».
Sabuła paćvierdziŭ The Washington Post, što hetyja słovy vykryknuŭ mienavita jon, i dadaŭ, što «ni kropli nie škaduje» ab svaim učynku.
Kampanija Ford adchiliła Sabuła ad vykanańnia abaviazkaŭ biez zachavańnia zarobku.
Prafsajuz aŭtamabilnaj pramysłovaści (UAW), jaki pradstaŭlaje intaresy rabočych zavoda, zajaviŭ, što zaraz pravodzicca pravierka.
U padtrymku rabočaha byli zapuščany dźvie kampanii.
Pieršaja kampanija na GoFundMe pad nazvaj «Ci Džej Sabuła — patryjot» sabrała amal 500 000 dalaraŭ ad 21 tysiačy čałaviek.
Druhaja kampanija, arhanizavanaja siabroŭkaj siamji Sabuła, pryniesła jašče zvyš 330 000 dalaraŭ ad 13 tysiač čałaviek.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Voś koliki kaštuje siaredni palec Trampa!