Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA
U pieršym paśla vyzvaleńnia intervju Maryja Kaleśnikava zaklikała jeŭrapiejskich lidaraŭ šukać zbližeńnia z Alaksandram Łukašenkam.
«Čym bolšaj budzie izalacyja Biełarusi ad Jeŭropy, tym bolš jana budzie vymušana zbližacca z Rasijaj, — skazała jana FT padčas intervju ŭ Bierlinie. — Heta robić Biełaruś mienš biaśpiečnaj i mienš pradkazalnaj dla Jeŭropy».
Kaleśnikavu spytali pra parvany pašpart, kali jana vyskačyła z mašyny na miažy i pajšła nazad u bok Minska. Jaje čakaŭ 11‑hadovy turemny termin.
«Ciapier ja razumieju, što heta byŭ niejki kiniematahrafičny momant, — adkazała jana z uśmieškaj. — Ale heta nie było impulsiŭna. Zadoŭha da hetaha ja vyrašyła, što palityk pavinien dzialić los svajho naroda — i nie tolki ŭ chviliny ŭzdymu».
Kaleśnikava kaža, što «nadzvyčaj udziačnaja [prezidentu ZŠA] Donaldu Trampu, ukrainskamu boku i inšym udzielnikam vyzvaleńnia».
«Ale jak čałaviek ź jeŭrapiejskim mientalitetam, ja nie razumieju, čamu Jeŭropa nie pačała razmaŭlać z Łukašenkam raniej za ZŠA, — skazała Kaleśnikava. — Vidavočna, što Hiermanija, naprykład, maje značna bolš suviaziaŭ ź Biełaruśsiu, čym Štaty».
Jaje arhumientacyja idzie ŭrazrez z padychodam Jeŭropy, jaki palahaje ŭ padtrymcy suviaziaŭ ź biełaruskimi demakratyčnymi siłami ŭ vyhnańni, minimizacyi kantaktaŭ z režymam i zachavańni ekanamičnych sankcyj na ekspart, zabaronie na paloty i bolš žorstkich vizavych praviłach, zaŭvažaje vydańnie.
Abmiežavańni ŭ dačynieńni da Biełarusi stali mocnym udaram dla «vysokajeŭrapieizavanych» biełarusaŭ, skazała Kaleśnikava: «Kraina kaliści była lidaram pa kolkaści vydadzienych šenhienskich viz ES».
Jeŭropa pavinna rabić naadvarot, ličyć Kaleśnikava.
«Łukašenka — prahmatyčny čałaviek. Jon razumieje movu biźniesu. Kali jon hatovy na humanitarnyja kroki ŭ adkaz na źmiakčeńnie sankcyj, uklučajučy vyzvaleńnie źniavolenych i dopusk niezaležnych ŚMI i NDA ŭ Biełaruś, heta treba abmiarkoŭvać».
Prasoŭvańnie takoha dyjałohu — asabliva nakiravanaha na vyzvaleńnie inšych palitviaźniaŭ i praduchileńnie dalejšych represij — ciapier źjaŭlajecca jaje fokusam:
«Dumaju, jasna, što ja nie sychodžu z palityki».
«Adnojčy režym źmienicca, — skazała jana. — I da hetaha momantu tam nie pavinna być vypalenaj ziamli. My pavinny rychtavać hlebu».
Kaleśnikava skazała, što jaje źniavoleńnie było «ciažkim», ale jana nie choča abmiarkoŭvać žachlivyja ŭmovy.
«Usie i tak viedajuć, što takoje biełaruskija turmy. Kamu heta dapamoža?»
Jana raskazała, što ŭ adzinočnaj kamiery jana «traciła pa dźvie hadziny ŭ dzień na johu i praktykavańni — heta byŭ čas dla miedytacyi», pračytała «700 knih z turemnaj biblijateki i napisała jašče dźvie» (choć jaje natatki tak i nie viarnuli), i navat «zmahła sieści na špahat».
Časam joj dazvalali słuchać dziaržaŭnaje radyjo. «Ja tančyła, ja radavałasia žyćciu. Kali ja raptam čuła Stynha ci Adel, ja była takaja ščaślivaja: cyvilizacyja isnuje, voś jana. Heta realna. A ścieny, turma — heta prosta dekaracyi».
Paśla vyzvaleńnia jana taksama płanuje viarnucca da pracy ŭ śfiery kultury.
«Ja čałaviek mastactva, usia suśvietnaja kultura ŭnutry mianie. U heta ciažka pavieryć, ale ŭ turmie ja adčuvała siabie absalutna volnym čałaviekam».
Apytanka
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA65
Kamientary
Koleśnikova v Hiermanii, Tichonovskaja budiet v Polšie.
Chotia, za śniatije sankcii s skotnoho dvora łukašienko ratujet nie tolko Śviatoj Pozdniak, Buhaj, no, užie i Koleśnikova, ždiom takoho žie zajavlenija ot Babariko.....
Tiepieŕ poniatno, počiemu skotnyj dvor vypichivajet političieskich iz Biełarusi.
Tichanovskuju okazałoś nieprosto raskrutiť na takije žie zajavlenija, poetomu proŝie vykatiť priedjavu (prostitie obos....ať) ot Śviatoho Pozdniaka...
Turma - taksama nie dekaracyi, jak i aŭtazak - nie prosta aŭtamabil. U pieršaj davodziać da straty zdaroŭja (ci Maryi nie viedać?) i žyćcia. U aŭtazakach - toje samaje robiać. Tamu i faktyčna biežancaŭ pad paŭmiljona, nie?
Jak ni dziŭna, ale sutnasnym prychilnikam real politik (pieramovy i t.p.) nie chapaje realizmu. Z takim padychodam jany nikoli nie zrobiacca mejnstrymam palityčnaj emihracyi. Jano musić i da lepšaha. Jość masa bolš ćviaroza razumiejučych situacyju dziejačoŭ.