U Varšavie prezientujuć pierakład niamieckaj knihi pra savieckich partyzan u Biełarusi
21 sakavika ŭ Varšavie projdzie prezientacyja biełaruskaha pierakładu knihi «Savieckija partyzany ŭ 1941—1944 hh. Mify i rečaisnaść» z udziełam jaje aŭtara Bohdana Musiała.
Bohdan Musiał — niamiecka-polski historyk, jaki śpiecyjalizujecca na historyi Druhoj suśvietnaj vajny. Kniha, čyj biełaruski pierakład budzie prezientavany, pabačyła śviet u 2009 hodzie ŭ Hiermanii na niamieckaj movie.
Heta kniha pra historyju savieckaha partyzanskaha ruchu ŭ čas Druhoj suśvietnaj vajny na prykładzie Biełarusi. U joj raskryvajucca važnyja aśpiekty historyi savieckaha partyzanskaha ruchu ŭ Biełarusi, u tym liku cieniavyja:
- jaho etničny i sacyjalny skład;
- prymusovyja mabilizacyi ŭ savieckija partyzany;
- žančyny ŭ savieckim partyzanskim ruchu;
- unutranyja kanflikty i svarki, pjanstva;
- rabunki mirnaha nasielnictva savieckimi partyzanami;
- represii suprać asabovaha składu ŭdzielnikaŭ savieckaha partyzanskaha ruchu, vyklikanyja špijonamanijaj.
U knizie daśledujucca taksama takija temy, jak asnoŭnyja niamieckija apieracyi suprać savieckich partyzan u Biełarusi, kolkaść strat u savieckim partyzanskim ruchu, prablemy z zabieśpiačeńniem bojeprypasami, a taksama staŭleńnie da jaho biełaruskaha nasielnictva.
Čas praviadzieńnia prezientacyi: 21 sakavika (subota), 16:00 — 18:00.
Adres: Muzeum Wolnej Białorusi (ul. Foksal 11), Warszawa.
Prezientacyja pravodzicca pry padtrymcy prahramy Jeŭrapiejskaha sajuza 'EU4Belarus: Support to Advanced Learning and Training (SALT II).
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć21
Kamientary
Kniha 2009 h., pierakład vychadziŭ u 2018 h.
Chto šukaŭ elektronnuju viersiju - ŭ Arche za hrošy.