У Варшаве прэзентуюць пераклад нямецкай кнігі пра савецкіх партызан у Беларусі
21 сакавіка ў Варшаве пройдзе прэзентацыя беларускага перакладу кнігі «Савецкія партызаны ў 1941—1944 гг. Міфы і рэчаіснасць» з удзелам яе аўтара Богдана Мусяла.
Богдан Мусял — нямецка-польскі гісторык, які спецыялізуецца на гісторыі Другой сусветнай вайны. Кніга, чый беларускі пераклад будзе прэзентаваны, пабачыла свет у 2009 годзе ў Германіі на нямецкай мове.
Гэта кніга пра гісторыю савецкага партызанскага руху ў час Другой сусветнай вайны на прыкладзе Беларусі. У ёй раскрываюцца важныя аспекты гісторыі савецкага партызанскага руху ў Беларусі, у тым ліку ценявыя:
- яго этнічны і сацыяльны склад;
- прымусовыя мабілізацыі ў савецкія партызаны;
- жанчыны ў савецкім партызанскім руху;
- унутраныя канфлікты і сваркі, п’янства;
- рабункі мірнага насельніцтва савецкімі партызанамі;
- рэпрэсіі супраць асабовага складу ўдзельнікаў савецкага партызанскага руху, выкліканыя шпіёнаманіяй.
У кнізе даследуюцца таксама такія тэмы, як асноўныя нямецкія аперацыі супраць савецкіх партызан у Беларусі, колькасць страт у савецкім партызанскім руху, праблемы з забеспячэннем боепрыпасамі, а таксама стаўленне да яго беларускага насельніцтва.
Час правядзення прэзентацыі: 21 сакавіка (субота), 16:00 — 18:00.
Adres: Muzeum Wolnej Białorusi (ul. Foksal 11), Warszawa.
Прэзентацыя праводзіцца пры падтрымцы праграмы Еўрапейскага саюза 'EU4Belarus: Support to Advanced Learning and Training (SALT II).
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары
Кніга 2009 г., пераклад выхадзіў у 2018 г.
Хто шукаў электронную версію - ў Arche за грошы.