Да абвяшчэння лаўрэата Нобелеўскай прэміі па літаратуры застаўся месяц. Букмекерская кантора Ladbrokes абнавіла спіс імаверных пераможцаў.
Галоўнай фаварыткай букмекеры лічаць кітайскую пісьменніцу Цань Сюэ, якая стварае эксперыментальную прозу. Стаўкі на яе перамогу прымаюць з каэфіцыентам 10/1.
На другім месцы — японскі пісьменнік Харукі Муракамі, якога ўжо шмат гадоў называюць сярод галоўных прэтэндэнтаў на Нобелеўскую прэмію. Яго каэфіцыент — 14/1.
Таксама высока букмекеры ацэньваюць шанцы амерыканца Томаса Пінчана — 16/1.
Расійская пісьменніца Людміла Уліцкая ідзе з каэфіцыентам 18/1.
Па 20/1 маюць канадская пісьменніца Маргарэт Этвуд, француз Мішэль Уэльбек і брытанска-індыйскі пісьменнік Салман Рушдзі.
Сярод іншых вядомых імёнаў у букмекерскім спісе — украінскі пісьменнік Андрэй Куркоў (33/1), а таксама такія гіганты як Стывен Кінг (50/1) і аўтарка кніг пра Гары Потэра Джаан Роўлінг (66/1).
Лаўрэата Нобелеўскай прэміі па літаратуры назавуць 8 кастрычніка. Пры гэтым букмекерскія рэйтынгі не адлюстроўваюць сапраўднага спіса прэтэндэнтаў: інфармацыя пра намінацыі трымаецца ў сакрэце на працягу 50 гадоў.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1111
Каментары