Пуцін рэзка змяніў рыторыку: Дамовіцца паміж сабой павінны менавіта Расія і Украіна
Раней прэзідэнт Расіі не бачыў ва Украіне самастойнага перамоўшчыка і лічыў, што дамаўляцца трэба з ЗША.
Дамовіцца паміж сабой павінны менавіта РФ і Украіна, а іншыя краіны могуць толькі падтрымаць і дапамагчы. Пра гэта заявіў прэзідэнт РФ Уладзімір Пуцін на пленарнай сесіі Усходняга эканамічнага форуму.
«Дамовіцца паміж сабой павінны перш за ўсё Расія і Украіна. А ўсе астатнія краіны гатовыя падтрымаць і дапамагчы. І не толькі Злучаныя Штаты, але і краіны, якія тут прысутнічаюць», — сказаў Пуцін.
Паводле яго слоў, напрыклад, Кітайская Народная Рэспубліка пастаянна звяртае на гэта ўвагу і ўсяляк спрыяе таму, каб праблема была вырашаная, перш за ўсё мірнымі сродкамі. «Старшыня Сі Цзіньпін, калі мы з ім сустракаемся, таксама пастаянна ўздымае гэтае пытанне», — расказаў расійскі лідар.
Пуцін мяркуе, што ёсць шанец на ўрэгуляванне ва Украіне.
«Ці ёсць шанцы? Так, на мой погляд, яны ёсць», — заявіў ён.
Паводле яго слоў, кантакты з Украінай па лініі спецслужбаў працягваюцца.
Цяперашняя заява Пуціна пра тое, што дамаўляцца павінны найперш Расія і Украіна, кантрастуе з ранейшай рыторыкай. Пуцін неаднаразова называў украінскае кіраўніцтва «нелегітымным» і «тэрарыстамі», заяўляў, што не бачыць сэнсу ў сустрэчы з Уладзімірам Зяленскім, а галоўным перамоўным партнёрам Масквы лічыў ЗША. Яшчэ некалькі дзён таму Пуцін казаў, што з цяперашнімі ўладамі Украіны Расія перамоў весці не будзе.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары