На вучэннях на Віцебшчыне ловяць людзей з заплечнікамі і джыпы, якія «збіраюцца прарваць мяжу»
Беларускія сілавікі праводзяць на Віцебшчыне маштабную праверку гатоўнасці да дзеянняў «у асаблівых умовах».
Вучэнні праводзяцца паводле распараджэння Лукашэнкі. Кіруе праверкай міністр унутраных спраў Іван Кубракоў, паведаміла прэс-служба МУС.
У Лёзне і Дуброўне сілавікі шукаюць невядомых з заплечнікамі, якія нібыта пакінулі нейкія прадметы на чыгуначных пуцях. Да пошукаў далучылі спецназаўцаў унутраных войскаў з атрадаў «Віцязь» і «Рысь». Яны аглядаюць чыгунку і наваколле пешшу, на аўтамабілях і з дапамогай беспілотнікаў.
Яшчэ адна ўводная тычыцца двух джыпаў без апазнавальных знакаў. Паводле сцэнарыя, іх пасажыры маюць намер прарвацца праз дзяржаўную мяжу. Іншыя магчымыя прыгоды гэтых джыпаў МУС пакуль не раскрывае.
У вучэннях задзейнічалі 7‑ю асобную спецыяльную міліцэйскую брыгаду, крымінальную міліцыю, ГУБАЗіК і Галоўнае ўпраўленне ўласнай бяспекі.
ДАІ загадана ўзмацніць нарады, а ў некаторых населеных пунктах плануюць павялічыць колькасць камер назірання.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Бабы з пустымі вёдрамі? Нейтралізоўваць на месцы, калі на шляху картэжа.