У Беларусі ўпершыню правялі эндаскапічную пластыку мітральнага клапана
У РНПЦ «Кардыялогія» ўпершыню ў Беларусі выканалі эндаскапічную пластыку мітральнага клапана праз міні-доступ з выкарыстаннем штучнага кровазвароту, піша БелТА.
Унікальную аперацыю правялі 2 верасня пасля міжнароднага майстар-класа па малаінвазіўнай хірургіі мітральнага і аартальнага клапанаў. Пацыенткай была жанчына з цяжкай формай мітральнай рэгургітацыі — станам, пры якім частка крыві вяртаецца праз клапан назад у сэрца.
Аперацыю правёў дырэктар хірургічнай службы Клінічнага цэнтра Сараеўскага ўніверсітэта прафесар Нермір Гранаў разам з беларускімі кардыяхірургамі. З дапамогай эндаскопа спецыялісты аднавілі створкі і падклапанныя структуры. Пасляаперацыйны вынік ацэнены як вельмі добры.
Яшчэ адной пацыентцы праз міжрэберны доступ, без разразання грудзіны, эндаскапічна замянілі аартальны клапан. Такая тэхніка дазваляе паменшыць боль пасля аперацыі і паскорыць аднаўленне. Аперацыя таксама прайшла паспяхова, а ўсталяваны пратэз працуе належным чынам.
У РНПЦ «Кардыялогія» адзначылі, што правядзенне такіх аперацый адкрывае новыя магчымасці для лячэння пацыентаў з захворваннямі клапанаў сэрца. Міжнароднае супрацоўніцтва і абмен вопытам з замежнымі спецыялістамі павінны дапамагчы далей развіваць малаінвазіўную і высокатэхналагічную кардыяхірургію ў Беларусі.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары