Прэзідэнт ЗША Дональд Трамп заявіў, што можа арганізаваць сустрэчу з Уладзімірам Пуціным хоць цяпер, але не бачыць у ёй сэнсу, пакуль бакі не будуць гатовыя заключыць мірнае пагадненне. Пра гэта ён сказаў падчас размовы з журналістамі ў Белым доме.
«Ён [Пуцін] зрабіў бы гэта, калі б я захацеў. Але я хачу правесці сустрэчу тады, калі мы будзем гатовыя заключыць мірнае пагадненне», — заявіў Трамп.
Ён дадаў, што хацеў бы наладзіць добрыя адносіны як з Расіяй, так і з Украінай: «Я хачу, каб у нас былі добрыя адносіны з Расіяй, з Украінай, з усімі. Гэта было б выдатна для бізнесу. У Расіі велізарная тэрыторыя і вельмі каштоўныя землі. Там адбываецца шмат добрага. Але не, мы маглі б правесці гэтую сустрэчу — гатовы паспрачацца, я мог бы зрабіць гэта неадкладна. Я хачу правесці яе тады, калі гэтая вайна будзе падыходзіць да канца. І я думаю, што так і будзе».
Трамп таксама заклікаў кіраўнікоў Расіі і Украіны спыніць баявыя дзеянні.
«Пуціну і Зяленскаму варта спыніць гэтую дурную вайну», — заявіў ён.
На думку Трампа, дамовіцца аб міры замінае асабістая непрыязнасць паміж Уладзімірам Пуціным і Уладзімірам Зяленскім.
«Ведаеце, я спыніў восем войнаў. Восем. Некаторыя з іх лічыліся значна больш складанымі для спынення, чым гэтая, і я дамогся іх спынення. Але паміж двума прэзідэнтамі існуе велізарная варожасць», — сказаў кіраўнік Белага дома.
Раней паведамлялася, што дырэктар ЦРУ Джон Рэткліф падчас закрытага візіту ў Маскву прапанаваў правесці трохбаковую сустрэчу Трампа, Зяленскага і Пуціна.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Но путинская для меня самая сложная.