Падазраваны ў дыверсіі ў Лейпцыгу атрымаў візу ў пасольстве Італіі ў Мінску
Улады Італіі маюць намер праверыць інфармацыю пра тое, што адзін з падазраваных у справе аб няўдалай атацы на аэрапорт Лейпцыг/Гале мог трапіць у Еўрасаюз па італьянскай турыстычнай візе, паведамляе выданне Zeit.de.
Міністр замежных спраў Італіі Антоніа Таяні заявіў, што будуць праведзеныя неабходныя праверкі. Паводле яго слоў, візы выдаюцца пасля праверкі адпаведнасці заяўнікаў устаноўленым патрабаванням і наяўнасці магчымых папярэджанняў адносна іх.
Раней стала вядома, што нямецкім следчым удалося вызначыць двух падазраваных у справе. Паводле расследаванняў NDR, WDR і Süddeutsche Zeitung, адзін з іх мог уехаць у Шэнгенскую зону па італьянскай турыстычнай візе.
Дакумент, як мяркуецца, быў выдадзены ў канцы красавіка ў італьянскім дыпламатычным прадстаўніцтве ў Мінску.
Інцыдэнт у аэрапорце Лейпцыг/Гале адбыўся 4 жніўня. У зоне бяспекі сярод украінскіх грузавых самалётаў знайшлі беспілотнік, абсталяваны выбухоўкай і механізмам падрыву. Нямецкая федэральная пракуратура пачала расследаванне і назвала здарэнне сур'ёзнай атакай на транспартную і лагістычную інфраструктуру краіны. Паводле апошніх звестак, у справе маглі выкарыстоўвацца тры дроны.
Справа таксама аднавіла дыскусію ў ЕС аб неабходнасці ўзмацнення візавых абмежаванняў для грамадзян Расіі і Беларусі. Кіраўніца еўрапейскай дыпламатыі Кая Калас заявіла, што, калі інфармацыя пацвердзіцца, гэта будзе сведчыць пра магчымасць выкарыстання віз для нанясення шкоды Еўрасаюзу.
Нягледзячы на тое, што пасля пачатку расійскай агрэсіі супраць Украіны візавыя правілы для грамадзян Расіі і Беларусі неаднаразова ўзмацняліся, консульствы Італіі, Францыі і Іспаніі ў Расіі па-ранейшаму выдаюць вялікую колькасць шэнгенскіх віз. Крытыкі лічаць, што некаторыя краіны ЕС не хочуць адмаўляцца ад прыбытковых турыстычных патокаў.
Адзін з падазраваных у атацы на аэрапорт Лейпцыга — мужчына з Беларусі
Германія закрывае расійскае консульства ў Боне і «Рускі дом» у Берліне
Дрон з выбухоўкай знайшлі каля ўкраінскага грузавога самалёта ў аэрапорце Лейпцыга
Германія рыхтуецца афіцыйна абвінаваціць Расію ў падрыхтоўцы атакі ў Лейпцыгу і ўвесці «маштабныя санкцыі»
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары