Возера каля мемарыяльнага комплексу «Дальва» ў Лагойскім раёне сапраўды радыкальна абмялела, але пасля ліквідацыі прычыны гэтага вадаём зноў напоўніцца натуральным шляхам, паведамілі ў Міністэрстве прыродных рэсурсаў і аховы навакольнага асяроддзя.
Пра праблему паведамілі ў раённую інспекцыю Мінпрыроды. На месца аператыўна выехалі прадстаўнікі Мінскага абласнога камітэта прыродных рэсурсаў, работнікі лясной гаспадаркі і спецыялісты Цэнтральнага навукова-даследчага інстытута комплекснага выкарыстання водных рэсурсаў.
Падчас праверкі высветлілася, што прычынай абмялення стала засмечаная труба, праз якую павінна была праходзіць вада. У выніку вада пачала шукаць іншы шлях і падмыла дамбу.
Цяпер сітуацыя знаходзіцца на кантролі ў прыродаахоўнага ведамства. У найбліжэйшы час плануецца вызначыць уладальніка трубы, які павінен аднавіць яе. Пасля гэтага возера зноў будзе напаўняцца вадой натуральным чынам.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект22
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары