Мінскі школьнік забаўляўся, кідаючы на галовы дзецям пакеты з вадой
У міліцыю звярнуліся дзяўчынкі-падлеткі, на якіх з даху шматпавярховага дома скідалі пакеты, напоўненыя вадой, паведамляе ГУУС Мінгарвыканкама.
Праверка паказала, што гэтыя дзеянні рабіў 14‑гадовы дзевяцікласнік. Ён загадзя набраў ваду ў пластыкавыя пакеты і праз незачыненыя дзверы падняўся на гарышча. Падлетак прызнаўся, што не глядзеў уніз і не задумваўся, што яго дзеянні могуць нанесці шкоду здароўю людзей або іх маёмасці.
Пацярпелым дзецям ва ўзросце ад 11 да 14 гадоў спатрэбілася медыцынская дапамога. У шпіталізацыі яны не маюць патрэбы.
У дачыненні да школьніка распачалі крымінальную справу за хуліганства. Акрамя таго, ЖЭУ атрымала прадпісанне ліквідаваць парушэнні і ўсталяваць надзейныя прылады для зачыняння дзвярэй на гарышча. З падлеткам правядуць індывідуальную прафілактычную працу.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары