46‑гадовы мужчына ноччу прабраўся на тэрыторыю прадпрыемства, з якога яго раней звольнілі і скраў адтуль больш за 90 тысяч рублёў.
Прадстаўнік адной з гомельскіх арганізацый заявіў у міліцыю пра знікненне з офіса буйной сумы. Па падазрэнні ў крадзяжы затрымалі 46‑гадовага жыхара Гомеля.
Паводле сілавікоў, ноччу мужчына пранік на ахоўную тэрыторыю прадпрыемства, дзе раней працаваў. У кабінеце кіраўніка ён знайшоў ключы ад сейфа і забраў адтуль больш за 90 тысяч рублёў.
Частку грошай мужчына закруціў у шкляныя слоікі. Адны закапаў у сябе, іншыя — на лецішчы сужыцелькі. Частку грошай патраціў.
Большую частку скрадзенай сумы знайшлі і канфіскавалі. Супраць гамельчука распачалі крымінальную справу за крадзеж у асабліва буйным памеры. Яму пагражае да 12 гадоў пазбаўлення волі.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў44
Каментары