Niekatoryja amierykanskija sistemy supraćpavietranaj abarony byli pierakinutyja ź Jeŭropy na Blizki Uschod z-za vajskovaha kanfliktu ZŠA i Izraila ź Iranam. Pra heta paviedamiŭ amierykanskim zakanadaŭcam kamandujučy abjadnanymi siłami NATA ŭ Jeŭropie hienierał Aleksus Hrynkievič.
Padčas słuchańniaŭ u kamitecie Sienata ZŠA pa ŭzbrojenych siłach hienierał Hrynkievič rastłumačyŭ, što častku sistem supraćpavietranaj abarony, jakija znachodzilisia ŭ zonie adkaznaści Jeŭrapiejskaha kamandavańnia ZŠA, vykarystali dla abarony sajuźnikaŭ NATA va ŭschodniaj častcy Mižziemnaha mora. Adkazvajučy na pytańnie sienatara Anhusa Kinha, ci sapraŭdy hetyja sistemy byli pieramieščanyja ź Jeŭropy na Blizki Uschod, hienierał heta paćvierdziŭ.
Raniej Ministerstva abarony Turcyi paviedamlała, što siły NATA źbili balistyčnuju rakietu, jakaja była zapuščanaja z terytoryi Irana i ruchałasia ŭ bok tureckaj pavietranaj prastory. Iran admaŭlaŭ, što zapuskaŭ rakiety ŭ napramku Turcyi. Praź niekalki dzion tureckaje vajskovaje viedamstva paviedamiła jašče pra adzin padobny vypadak, kali rakieta taksama była źniščana.
Sumiesnaja apieracyja ZŠA i Izraila suprać Irana praciahvajecca z 28 lutaha. Padčas udaraŭ pa Tehieranie zahinuŭ 86‑hadovy viarchoŭny lidar krainy ajatała Ali Chamieniei, a taksama byli likvidavanyja niekatoryja inšyja iranskija vysokapastaŭlenyja čynoŭniki.
U adkaz Iran nanios udary pa Izraili i vypuściŭ sotni rakiet i bieśpiłotnikaŭ pa krainach Piersidskaha zaliva. U vyniku atak byli paškodžanyja amierykanskija vajskovyja bazy, dypłamatyčnyja pradstaŭnictvy i naftavyja abjekty.
Madžtaba Chamieniei vystupiŭ ź pieršym zvarotam u jakaści viarchoŭnaha lidara Irana. Jaho pačuli, ale nie pabačyli
U ZŠA źnik hienierał, jaki kiravaŭ sakretnymi prahramami Pientahona
Rasija papiaredžvała Ali Chamieniei pra ŭdar, ale toj nibyta abraŭ pakutnickuju śmierć
Izrail zajaviŭ pra ŭdar pa jadziernym centry pad Tehieranam
Kamientary