Vienhryja viarnuła Ukrainie inkasatarskija aŭtamabili, ale biez hrošaj
Vienhryja viarnuła ŭkrainskamu dziaržaŭnamu banku «Aščadbank» inkasatarskija aŭtamabili, jakija raniej byli zatrymanyja, ale biez hrošaj i kaštoŭnaściaŭ.
Pavodle paviedamleńnia banka, mašyny ŭžo pieradali pradstaŭnikam ustanovy i ŭkrainskim dypłamatam. Razam ź imi viarnuli i častku asabistych rečaŭ siami supracoŭnikaŭ inkasatarskaj bryhady.
Aŭtamabili byli zatrymanyja Nacyjanalnaj padatkovaj i mytnaj słužbaj Vienhryi, ale ciapier ich viarnuli zakonnym uładalnikam.
Paśla ahladu vyśvietliłasia, što ŭ mašynach jość paškodžańni abstalavańnia. Jurysty banka na miescy zafiksavali ŭsie vyjaŭlenyja niaspraŭnaści. Kali transpart viernuć va Ukrainu, budzie praviedziena dadatkovaja acenka naniesienych strat.
Pry hetym hrošy i kaštoŭnaści, jakija znachodzilisia ŭ inkasatarskich aŭtamabilach, Vienhryja pakul nie viarnuła. Pavodle infarmacyi banka, havorka idzie pra kala 40 miljonaŭ dalaraŭ, 35 miljonaŭ jeŭra i 9 kiłahramaŭ bankaŭskaha zołata.
Incydent adbyŭsia 5 sakavika, kali ŭ Vienhryi zatrymali ŭkrainskich inkasataraŭ, što jechali na słužbovych mašynach z Aŭstryi va Ukrainu i pieravozili najaŭnyja hrošy ŭ miežach supracoŭnictva pamiž dziaržaŭnymi bankami. Vienhierskija ŭłady zajavili, što kanfiskacyja srodkaŭ stała adkazam na nibyta błakavańnie Ukrainaj pracy naftapravoda «Družba», i što inkasatary padazrajucca ŭ admyvańni hrošaj.
10 sakavika ŭrad Vienhryi pryniaŭ rašeńnie, jakoje dazvalaje zachoŭvać kanfiskavanyja hrošy i załatyja źlitki nie mienš jak 60 dzion. Dakumient padpisaŭ premjer-ministr krainy Viktar Orban.
Ministr zamiežnych spraŭ Ukrainy Andrej Sibiha ŭ adkaz zajaviŭ, što dziejańni vienhierskich uładaŭ možna razhladać jak dziaržaŭny ekanamičny cisk i faktyčna «dziaržaŭny teraryzm».
U Budapiešcie zatrymali siem supracoŭnikaŭ ukrainskaha Aščadbanka ź dziasiatkami miljonaŭ dalaraŭ
Zatrymanyja ŭ Budapiešcie inkasatarskija mašyny ŭkrainskaha Aščadbanka znachodziacca na terytoryi Antyterarystyčnaha centra Vienhryi
U Vienhryi patłumačyli zatrymańnie supracoŭnikaŭ ukrainskaha Aščadbanka admyvańniem hrošaj
Ułady Vienhryi pieradali Ukrainie raniej zatrymanych inkasataraŭ
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary