U Vienhryi patłumačyli zatrymańnie supracoŭnikaŭ ukrainskaha Aščadbanka admyvańniem hrošaj
Suprać hramadzian Ukrainy raspačali kryminalnuju spravu.
Siem supracoŭnikaŭ Aščadbanka zatrymali pa padazreńni ŭ «admyvańni hrošaj», paviedamiła Nacyjanalnaja padatkovaja i mytnaja słužba Vienhryi. Suprać ich raspačali kryminalnuju spravu.
Siarod zatrymanych u Vienhryi inkasataraŭ, pa viersii miascovych uładaŭ, jość były hienierał ukrainskaj raźviedki.
U Nacyjanalnaj padatkovaj i mytnaj słužbie Vienhryi taksama zajavili, što na praciahu 2026 hoda praz terytoryju krainy va Ukrainu było pieravieziena bolš za $900 młn, €420 młn i 146 kiłahramaŭ załatych źlitkaŭ.
Na fonie situacyi MZS Ukrainy rekamienduje hramadzianam ustrymlivacca ad pajezdak u Vienhryju, pakolki viedamstva nie moža harantavać ich biaśpieku, i paraić pa mahčymaści vybirać inšyja tranzitnyja maršruty.
Jak paviedamlałasia, učora ŭ Budapiešcie zatrymali siem supracoŭnikaŭ ukrainskaha Aščadbanka, jakija vykonvali rejs na dvuch inkasatarskich aŭtamabilach pamiž Aŭstryjaj i Ukrainaj i pieravozili hrošy i kaštoŭnaści ŭ miežach rehularnych pieravozak pamiž dziaržaŭnymi bankami.
«Faktyčna, havorka idzie pra toje, što Vienhryja ŭziała zakładnikaŭ i vykrała hrošy. Kali heta taja «siła», pra jakuju siońnia kazaŭ spadar Viktar Orban, to heta siła złačynnaj bandy. Heta dziaržaŭny teraryzm i rekiet. My ŭžo nakiravali aficyjnuju notu z patrabavańniem nieadkładna vyzvalić našych hramadzian. My taksama źvierniemsia da Jeŭrapiejskaha sajuza z zapytam dać vyraznuju kvalifikacyju niezakonnym dziejańniam Vienhryi — zachopu zakładnikaŭ i rabavańniu», — napisaŭ ministr zamiežnych spraŭ Ukrainy Andrej Sibiha.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks29
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2020
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki20
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Zaraz vinadzieł u Italii))) ( majdanaviec)))
Na toj čas dziejučy kiraŭnik ci były kiraŭnik unutranaj biazpieki sbU Naumov ( da 10młn$ kamni ślitki..))
Ni zdiŭluś kali aščad bank Ukraina vykarystoŭvajut jak prykryćcio ci " pralniu" i maršrut Aŭstryja Ukraina Uhorščyna sumnieŭny
Paśla ))))