Zatrymanyja ŭ Budapiešcie inkasatarskija mašyny ŭkrainskaha Aščadbanka znachodziacca na terytoryi Antyterarystyčnaha centra Vienhryi
Miescaznachodžańnie siami supracoŭnikaŭ banka zastajecca nieviadomym.
Vienhryja schavała vykradzienyja inkasatarskija mašyny Aščadbanka, zachoplenyja 5 sakavika, na zakrytaj terytoryi svajho Antyterarystyčnaha centra, paviedamiła krynica «Jeŭrapiejskaj praŭdy».
Miescaznachodžańnie aŭtamabilaŭ, jakija pieravozili 40 miljonaŭ dalaraŭ, 35 miljonaŭ jeŭra i 9 kh zołata, było ŭstanoŭlena pradstaŭnikami pasolstva Ukrainy ŭ Budapiešcie i Ministerstva zamiežnych spraŭ Ukrainy.
Antyterarystyčny centr Vienhryi — heta siłavoje padraździaleńnie, padkantrolnaje Ministerstvu ŭnutranych spraŭ Vienhryi. Raniej centr užo pryciahvaŭsia da antyŭkrainskich uradavych akcyj, naprykład u vypadku z zatrymańniem i vysyłkaj ukrainskaha byłoha dypłamata.
U toj ža čas miescaznachodžańnie siami supracoŭnikaŭ Aščadbanka, jakija supravadžali inkasatarskija aŭtamabili, zastajecca nieviadomym.
U noč na 6 sakavika Nacyjanalny bank Ukrainy zrabiŭ aficyjnuju zajavu, abvinavaciŭšy ŭłady Vienhryi ŭ niezakonnym zachopie inkasatarskich bryhad dziaržaŭnaha Aščadbanka. Havorka idzie pra dva aŭtamabili, jakija ažyćciaŭlali rehularnuju transhraničnuju pieravozku valuty.
Ministr zamiežnych spraŭ Ukrainy Andrej Sibiha zajaviŭ, što havorka idzie pra ŭkrainskich zakładnikaŭ režymu Viktara Orbana, i zaklikaŭ Budapiešt nieadkładna vyzvalić supracoŭnikaŭ banka i viarnuć vykradzienuju majomaść.
Napiaredadni premjer-ministr Viktar Orban pryhraziŭ siłaj adnavić pastaŭki rasijskaj nafty praz Ukrainu pa naftapravodzie «Družba».
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary