U Łojevie 21‑hadovuju dziaŭčynu buduć sudzić za stralbu pa mašynie susieda. Pra incydent paviedamili ŭ Śledčym kamitecie pa Homielskaj vobłaści.
Pavodle materyjałaŭ śledstva, uviečary 6 lutaha dziaŭčyna viarnułasia dadomu paśla pracy i vyrašyła patreniravacca ŭ stralbie. Jana ŭziała pnieŭmatyčny pistalet i z bałkona svajoj kvatery nie mienš za piać razoŭ streliła ŭ bok aŭtamabila Opel, jaki stajaŭ na parkoŭcy i naležaŭ jaje susiedu.
Na nastupnuju ranicu ŭładalnik mašyny zaŭvažyŭ na łabavym škle try kruhłyja paškodžańni. Kali jon ačyściŭ aŭtamabil ad śniehu, to znajšoŭ jašče dva padobnyja paškodžańni na dachu i vyklikaŭ milicyju.
Uviečary taho ž dnia dziaŭčyna pryjšła da susieda z pavinnaj. Jana pryznałasia, što stralała pa mašynie, skazała, što nie padumała pra nastupstvy, i kampiensavała škodu — zapłaciła 630 rubloŭ.
Niahledziačy na heta, u dačynieńni da jaje raspačali kryminalnuju spravu. Jaje abvinavačvajuć u chulihanstvie — naŭmysnych dziejańniach, jakija hruba parušajuć hramadski paradak i supravadžajucca paškodžańniem čužoj majomaści. Sprava budzie razhledžana ŭ sudzie.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary