U Pinsku mužčyna prakałoŭ koły ŭ mašyny susieda, bo toj zaniaŭ rasčyščanaje im miesca na parkoŭcy
Zimoj prablema z parkoŭkami ŭ haradach abvastrajecca praź śniehapady: miescaŭ stanovicca jašče mienš, i pamiž susiedziami ŭźnikajuć sprečki. Adzin z takich kanfliktaŭ praz parkovačnaje miesca ŭ pinskim dvary skončyŭsia kryminalnaj spravaj.
U milicyju źviarnuŭsia 50‑hadovy žychar Pinska i paviedamiŭ, što nieviadomy paškodziŭ koły jaho aŭtamabila «Fijat», pakinutaha na noč kala doma.
Padčas śledstva vyśvietliłasia, što mužčyna paśla pracy pastaviŭ mašynu na svabodnaje miesca, ačyščanaje ad śniehu. Ranicaj jon ubačyŭ, što dva koły spuščanyja i majuć prakoły, paśla čaho źviarnuŭsia ŭ milicyju.
Supracoŭniki kryminalnaha vyšuku ŭstanavili, što da zdareńnia moža być datyčny 52‑hadovy susied paciarpiełaha. Toj pryznaŭsia, što sapraŭdy prakałoŭ koły šyłam. Sa słoŭ mužčyny, jon razzłavaŭsia, kali ŭbačyŭ, što miesca, jakoje sam rasčyściŭ dla svajoj mašyny, zaniata inšym aŭtamabilem, i vyrašyŭ takim čynam adpomścić.
U vyniku suprać mužčyny raspačali kryminalnuju spravu za chulihanstva. Sankcyja adpaviednaha artykuła praduhledžvaje pakarańnie až da pazbaŭleńnia voli terminam da troch hadoŭ.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki21
Kamientary