U Minsku taksist raspyliŭ haz u tvar udzielniku DTZ, jaki nie vyzvaliŭ jamu darohu
Na milicejskuju liniju «102» źviarnuŭsia 26‑hadovy žychar stalicy i paviedamiŭ, što nieviadomy raspyliŭ jamu ŭ tvar piarcovy bałončyk. Jak vyśvietliłasia, pierad tym mužčyna trapiŭ u darožna-transpartnaje zdareńnie i afarmlaŭ jeŭrapratakoł. Z-za hetaha jon nie moh prybrać z prajeznaj častki svoj hruzavik MAZ, i heta pradvyznačyła nastupnyja padziei.
U hety čas pobač prajazdžaŭ aŭtamabil taksi. Jaho kiroŭca ŭ hrubaj formie zapatrabavaŭ vyzvalić darohu. Kali patrabavańnie nie było vykanana, taksist spačatku advioz kudy treba svajho pasažyra, a paśla viarnuŭsia da miesca DTZ, padyšoŭ da kiroŭcy hruzavika, raspyliŭ jamu ŭ tvar haz i pajechaŭ dalej.
Supracoŭniki milicyi ŭstanavili asobu padazravanaha pa prykmietach i zatrymali 46‑hadovaha taksista, žychara Minskaha rajona.
U dačynieńni da jaho raspačataja kryminalnaja sprava za chulihanstva. Mužčynu pahražaje da troch hadoŭ pazbaŭleńnia voli.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary