Premjer Hrenłandyi: Kali nas pastaviać pierad vybaram, my vybieram Daniju, a nie ZŠA
Premjer-ministr Hrenłandyi Jens-Frederyk Nilsen zajaviŭ, što ŭłady vostrava nie razhladajuć mahčymaść dałučeńnia da ZŠA. Pra heta jon skazaŭ 13 studzienia ŭ Kapienhahienie na sumiesnaj pres-kanfierencyi z premjer-ministarkaj Danii Miete Frederyksen.
Kiraŭnik urada Hrenłandyi padkreśliŭ: kali b ciapier uźnikła nieabchodnaść vybaru pamiž Złučanymi Štatami i Danijaj, Hrenłandyja addała b pieravahu Danii.
«Adno pavinna być zrazumieła ŭsim. Hrenłandyja nie choča naležać Złučanym Štatam. Hrenłandyja nie choča, kab joju kiravali Złučanyja Štaty. Hrenłandyja nie choča być častkaj Złučanych Štataŭ», — zajaviŭ hrenłandski premjer.
Heta zajava prahučała na fonie raniejšych vykazvańniaŭ prezidenta ZŠA Donalda Trampa, jaki nieadnarazova havaryŭ pra žadańnie dałučyć Hrenłandyju, spasyłajučysia na intaresy nacyjanalnaj biaśpieki. Bieły dom navat prapanoŭvaŭ kupić vostraŭ i nie vyklučaŭ prymianieńnia siły dla jaho anieksii.
Na hety momant Hrenłandyja źjaŭlajecca aŭtanomnaj terytoryjaj u składzie Danii.
Śpiecpradstaŭnik ZŠA: Danija paśla Druhoj suśvietnaj vajny zaniała terytoryju Hrenłandyi ŭ abychod normaŭ AAN
Tramp: ZŠA atrymajuć Hrenłandyju tak ci inakš
Jeŭropa abmiarkoŭvaje raźmiaščeńnie vojsk NATA ŭ Hrenłandyi — kab Tramp pieradumaŭ zavałodvać vostravam
Hrenłandcy adzinym frontam vystupili suprać pretenzij Donalda Trampa
Tramp moža dać kožnamu žycharu Hrenłandyi pa 100 tysiač dalaraŭ za dałučeńnie da ZŠA
«My nie pradajomsia». Što kažuć žychary Hrenłandyi pra cikavaść Trampa da vostrava
Kamientary
Chto takija MY? Palityčnyja elity vostrava, ci narod? Chaj pravodziać referendumu i vyrašajuć hetaje pytańnie demakratyčna.
Darečy, vy tak sam litujecie, kali cichanoŭskaja havoryć ad imia biełarusaŭ. I kali nie, to čamu i adkul takija padvojnyja standarty?