«Vy pačynajecie stahnać, łuchtu roznuju hnać» — fiłosaf Mackievič pavučaŭ błohiera Piatruchina
Na jutub-kanale «Narodny reparcior» Siarhiej Piatruchin apublikavaŭ zapis svajoj razmovy ź fiłosafam Uładzimiram Mackievičam. Miescami jana była vielmi emacyjnaja. Padajem najbolš vostryja momanty.
«Dzie dakumienty?»
Adnoj z tem hutarki staŭ apovied Piatruchina ab tym, jak jon patrabavaŭ ad delehataŭ Kaardynacyjnaj rady vykazać asabistaje staŭleńnie da biznesmiena Alaksandra Mašenskaha.
Siarhiej Piatruchin: «Značyć, adkryvajecca pasiadžeńnie. My hałasujem, što kožny člen Kaardynacyjnaj rady vykazvajecca nakont Mašenskaha: ci źjaŭlajecca jon suŭdzielnikam režymu Łukašenki. Pakazvaje svajo asabistaje staŭleńnie. «Tak» ci «nie» — usio!»
Uładzimir Mackievič (vielmi emacyjna): «Navošta? Navošta pakazvać asabistaje staŭleńnie?! Kali heta pradstaŭničy orhan… Nu jon nie źjaŭlajecca napraŭdu siońnia takim, ja kažu pra idealny skład tam, kab jon byŭ narmalna arhanizavany, tady b jon byŭ pradstaŭničym orhanam, na siońnia heta nie tak. Ale navat kali heta nie tak, to ludzi, jakija tudy ŭvachodziać, usio ž zajmajuć palityčnuju pazicyju.
Jany nie majuć prava na asabistaje mierkavańnie, jakoje vyklikana na pačućciach, uzhadkach, tanculkach! Abo jość dakumienty, i tady pa ich možna skazać: heta złačynca.
Siarhiej Piatruchin (emacyjna): Kaniečnie, jość! Kaniečnie, jość!
Uładzimir Mackievič (pierachodziačy na pavyšany ton i vydzialajučy asobnyja słovy jak z dapamohaj huku, tak i ruk): Dyk pakažycie! Što za prablema? (…) Viedajecie, kali jość u palityčnych strukturach padazreńni — heta adna sprava, padazreńni možna abmiarkoŭvać. Abo kali jość dokazy — i tady dokazy prosta musić, abaviazany čałaviek, jaki ich maje, pakazać. I pakazać tak, kab heta možna było padać u sudzie, u prakuratury demakratyčnaj dziaržavy, takoj jak Polšča. Abo heta łuchta i paklop. Razumiejecie mianie?
Siarhiej Piatruchin: E-e, ja vas razumieju.
Uładzimir Mackievič (vielmi emacyjna i z dolaj ahresii ŭ hołasie):
Nu dyk davajcie tady, blin, pierastaniem hety jenk razvodzić, hetyja skarhi, plotki, durnotu hetuju. Adzin na adnaho plavuzhać. Navošta? Kali jość dakumienty, tady davajcie vykryvać. Kali nie — spyniajem hetyja babskija razmovy, bazar.
«Hrantasosy» i niezaležnyja ŚMI
Nie abyšli ŭ svajoj razmovie subiasiedniki i temu raźmierkavańnia hrantaŭ i ŭpłyvu roznych palityčnych sił na demakratyčnyja ŚMI.
Uładzimir Mackievič (vielmi emacyjna): Kali ja čuju paklop: «Franak [Viačorka] taki, Franak kantraluje tam toje-sioje»… — pakažycie. Nu pakažycie mnie dakumienty. Kali ja čuju jenk z nahody taho, što hrantasosy kraduć… Ja viedaju, jaki aŭdyt pa kožnym fondzie, jaki vydaje hranty. I tam skraści vielmi ciažka, kali tolki nie damovicca z fondam praz adkaty. Napeŭna, takija vypadki taksama jość.
Ja nie budu vyklučać, što takoje byvaje. Ale voś prosta ahułam pra heta havaryć — nu heta, blin, bazarnyja baby tolki tak robiać. Nu vy našto heta robicie?
Siarhiej Piatruchin: U nas jość niezaležnyja ŚMI, jak vy dumajecie?
Uładzimir Mackievič (emacyjna): Ja dumaju jość… Ja nie mahu ŭjavić sabie, jak Franak moža kantralavać «Radyjo Svaboda». Nu nie mahu ŭjavić! «Radyjo Svaboda» finansujecca amierykanskim uradam. Ja nie razumieju, jak ad Franaka moža zaležać «Deutsche Welle». Ja taksama nie razumieju, jak ad Franaka moža zaležać «Biełsat».
Siarhiej Piatruchin: «Naša Niva»?
Uładzimir Mackievič: «Naša Niva» moža. «Zierkało» moža. Ale ŭ mianie taksama niama dokazaŭ na hety kont.
Siarhiej Piatruchin: U mianie hałoŭnaje pytańnie da našych niezaležnych ŚMI: kali jany niezaležnyja, jany pavinny aśviatlać dva baki, tak? Bok, što jany tam honiać na Łukašenku, i [bok] raskazvać pra prablemy apazicyi, Śviatłany Cichanoŭskaj, Kabinieta, usiaho hetaha…
Uładzimir Mackievič (bolš spakojna): Davajcie tady — voś ja kažu znoŭ, — davajcie tak: plotki, čutki, bajki adkładziom ubok. Kali jość dakumienty — davajcie ŭ prakuraturu Litvy, Polščy. Što tyčycca biełaruskaj apazicyi ŭ emihracyi, u vyhnańni, to hetaje pytańnie ja hatovy abmiarkoŭvać usurjoz. I mianie jano vielmi kłapocić.
Ja taksama niezadavoleny stanam biełaruskaj apazicyi, stanam tych struktur, jakija na siońnia nie toje kab niasuć, ale ŭziali na siabie peŭnuju misiju i adkaznaść. I ja vielmi niezadavoleny tym, jak jany heta vykonvajuć.
Ale razmaŭlać pra heta ja zvyk racyjanalna, biez babskaha voś hetaha… Nu prabačcie mianie fieministki, u hetym vypadku ja nie viedaju jak jašče heta abazvać, kab prosta šmatsłoŭjem nie zahruvaščvać rečy.
To-bok niespraviadlivyja, skažam tak, pretenzii, nie padmacavanyja nijakimi dokazami, a tolki voś płač, stohn tam. Kali razvažać pra heta, to treba razvažać racyjanalna, prahmatyčna, z razumieńniem taho, što možna zrabić u tych ci inšych umovach, u jakich znachodzicca taja ci inšaja struktura, a što niemahčyma zrabić. (…)
Ludzi vas zaprašali, kazali, što my tut zmahajemsia. Vy pryjechali, paznajomilisia ź inšymi ludźmi, jakija skazali: «Tut bardak». Tak? Nu i vy vyznačajeciesia: ci vy pryjechali zmahacca, ci vy pryjechali ŭdzielničać u hetym verchale.
Siarhiej Piatruchin: A ja vyznačyŭsia. Ja vybraŭ nie hrantasosaŭ, ja vybraŭ ludziej, jakija zadajuć mnie pytańni, katorym ciažka tut, katorym nie dajuć dapamohi, katorym nie dajuć miedycynu, chacia jany taksama palitźniavolenyja.
«Što kankretna łuchta?»
Praź niekatory čas subiasiedniki znoŭ viarnulisia da temy ŚMI.
Uładzimir Mackievič: Vy pačynajecie stahnać, łuchtu roznuju hnać…
Siarhiej Piatruchin: Što kankretna? Što kankretna łuchta, spadar Uładzimir? Što kankretna vy kažacie ja haniu łuchtu? Voś mnie cikava.
Uładzimir Mackievič (bolš spakojna): Pra nie paćvierdžanuju dakumientalna, pravierkaj, aŭdytam zaležnaść našych niezaležnych ŚMI. Nu, tak zvanych niezaležnych, chaj sabie. Jany ŭsie ad kahości zaležać. Radyjo Svaboda ad amierykancaŭ, Deutsche Welle ad niemcaŭ, Biełsat, napeŭna, ad palakaŭ. Jany zaležać, ale pakolki jany zaležać ad roznych struktur, to, čytajučy toje i druhoje, možna rabić peŭnuju vysnovu.
Nie moža być šyzafreničnaha ŚMI, kab padavać adnolkava infarmacyju z adnaho boku, z druhoha boku i hetak dalej. Kali my kažam pra demakratyčnaść ŚMI, to chaj sabie spračajucca roznyja ŚMI z roznych pazicyj. I ich niemahčyma abvinavačvać u tym, što jany zajmajuć pazicyju. Narmalnaja redakcyja pavinna mieć pazicyju.
Kamientary