U čaćvier, 15 studzienia, prezident ZŠA Donald Tramp praviadzie sustreču ŭ Biełym domie ź lidarkaj apazicyi Vieniesueły i łaŭreatkaj Nobieleŭskaj premii miru Maryjaj Karyna Mačada, paviedamlaje CNN.
Vizit Mačada ŭ Vašynhton adbudziecca ŭ napružany momant: paśla małankavaj apieracyi śpiecnaza ZŠA ŭ Karakasie 3 studzienia, padčas jakoj byŭ zachopleny Nikałas Madura, Tramp niečakana admoviŭsia pryznać Mačada jak zakonnuju pierajemnicu ŭłady. Zamiest hetaha krainu časova ŭznačaliła vice-prezidentka Dełsi Radryhies.
Tramp publična vykazaŭ sumnieŭ u palityčnaj vazie Mačada, zajaviŭšy, što joj budzie ciažka kiravać Vieniesuełaj, bo jana nibyta nie maje padtrymki i pavahi naroda. Akramia taho, ŚMI paviedamlali, što razdražnieńnie Trampa vyklikała rašeńnie Mačada pryniać Nobieleŭskuju premiju miru.
Situacyja vakoł premii nabyła kurjozny charaktar: Tramp namiakaŭ, što Mačada pavinna padaryć jamu hetuju ŭznaharodu. Adnak Narviežski nobieleŭski kamitet byŭ vymušany vystupić z aficyjnaj zajavaj, što premija miru źjaŭlajecca imiannoju i nie moža być pieradadziena inšaj asobie.
-
U Krymie miascovyja skardziacca nie tolki na deficyt paliva, ale i praduktaŭ
-
Pašynian prahałasavaŭ na parłamienckich vybarach u Armienii. Jon zajaviŭ, što nijakaj napružanaści z Rasijaj niama, a šlach da ES praciahniecca
-
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Kamientary